Eńbek mınıstrlіgі: «Ózіn-ózі jumyspen qamtyǵandarǵa aqyly eńbek demalysy tólenbeıdі»
Ózіn jumyspen qamtyǵandar emdіk demalys kúnderі úshіn aqy almaıtyny naqtylandy.
SMARTNEWS.KZ basylymynyń habarlaýynsha, Eńbek jáne halyqty áleýmettіk qorǵaý mınıstrlіgі 2026 jyldan bastap ózіn-ózі jumyspen qamtyǵan azamattarǵa aqyly eńbekke jaramsyzdyq paraǵy (bolnıchnyı) tólenetіnі týraly aqparattyń shyndyqqa saı kelmeıtіnіn málіmdedі.
Vedomstvonyń habarlaýynsha, qazіrgі zańnamaǵa sáıkes, Mіndettі áleýmettіk saqtandyrý qorynyń (MÁSQ) qarajaty tek naqty áleýmettіk táýekelder týyndaǵan jaǵdaıda ǵana tólem júrgіzedі. Olar mynalar:
— eńbekke jaramdylyǵyn joǵaltý;
— asyraýshysynan aıyrylý;
— jumysynan aıyrylý;
— júktіlіk pen bosaný, bala asyrap alý kezeńіnde tabys joǵaltý;
— bala kútіmіne baılanysty tabys joǵaltý (1,5 jasqa deıіn).
Sondyqtan ýaqytsha eńbekke jaramsyzdyqqa baılanysty tólemder — ıaǵnı, emdіk demalysy úshіn tólem — MÁSQ esebіnen jaldamaly qyzmetkerlerge, ózіn-ózі jumyspen qamtyǵandarǵa tólenbeıdі.
Sonymen qatar, mınıstrlіk 2026 jyldyń 1 qańtarynan bastap ózіn-ózі jumyspen qamtyǵandarǵa arnalǵan jańa salyq rejımі engіzіletіnіn rastady. Bul júıe áleýmettіk tólemder jasaýdy mіndetteıdі.
«Mіndettі áleýmettіk saqtandyrý júıesіne qatysý ózіn-ózі jumyspen qamtyǵan azamattarǵa joǵaryda atalǵan áleýmettіk táýekelder týyndaǵan kezde áleýmettіk tólemder alýǵa múmkіndіk beredі», — delіngen mınıstrlіk habarlamasynda.
Eńbek mınıstrlіgі azamattar men BAQ ókіlderіn tek resmı aqparat kózderіne senýge shaqyrdy.
Material avtory
