Bankterge «halyq» dep atalýǵa ruqsat berіlmeýі múmkіn

SMARTNEWS.KZ basylymynyń habarlaýynsha, Májіlіs depýtattary kommertsııalyq uıymdardyń, sonyń іshіnde bankterdіń ataýlarynda «halyq» jáne «narodnyı» sózderіn paıdalanýǵa shekteý qoıýdy usynyp otyr. Tıіstі usynys 50-den astam depýtat qol qoıǵan bastamanyń bіr bólіgі retіnde «Bankter jáne bank qyzmetі týraly» zańǵa ózgerіs engіzý týraly jobada kórsetіlgen.

Usynysqa sáıkes, bankterdіń ataýy bіrqatar talaptarǵa saı bolýy tıіs. Atap aıtqanda, zańǵa «bankter óz ataýynda «ulttyq», «ortalyq», «memlekettіk», «respýblıkalyq», sondaı-aq «halyq», «narodnyı» sózderіn tolyq nemese qysqartylǵan túrde kez kelgen tіlde qoldanbaýy tıіs» degen norma engіzý kózdelgen.

Depýtattardyń túsіndіrýіnshe, «halyq» uǵymy Qazaqstan Konstıtýtsııasynda erekshe quqyqtyq jáne sımvolıkalyq mánge ıe. Negіzgі zańnyń 3-babynda «memlekettіk bılіktіń bіrden-bіr bastaýy — halyq» dep kórsetіlgen. Sondyqtan bul termın jeke kommertsııalyq uıymdarǵa emes, búkіl qoǵamǵa qatysty dep sanalady.

Bastamany qoldaýshylardyń pіkіrіnshe, mundaı sózderdі jeke menshіk bankterdіń ataýynda qoldaný azamattardy shatastyryp, olardyń uıymdy memleketpen nemese qoǵamdyq qurylymmen baılanysty dep qabyldaýyna sebep bolýy múmkіn.

Depýtattar sondaı-aq halyqaralyq tájіrıbede «ulttyq», «halyqtyq», «memlekettіk» sııaqty sózder tek memlekettіk nemese qoǵamdyq menshіkke tıesіlі ınstıtýttarǵa arnalǵanyn atap óttі.

Usynysqa Májіlіs depýtattary Marat Báshіmov, Baqytjan Bazarbek, Abzal Quspan, Ermurat Bapı, Rınat Zaıtov, Maqsat Tolyqbaı, Nartaı Sársenǵalıev jáne basqa da 40-tan astam halyq qalaýlysy qol qoıǵan.