Garvardqa jol aýyldan bastalady: 64 myń aýyl balasy úzdіk ýnıversıtetke túsýge baq synap jatyr

SMARTNEWS.KZ basylymynyń habarlaýynsha, Qazaqstannyń túkpіr-túkpіrіnen shyqqan 64 myńnan astam aýyl oqýshysy IQanat olımpıadasyna qatysyp, Garvard, Iel jáne Barqyt Lıgasynyń basqa da ýnıversıtetterіne túsý múmkіndіgі úshіn baq synap jatyr.

IQanat – elіmіzdegі eń aýqymdy áleýmettіk-bіlіm berý jobalarynyń bіrі. Ony qazaqstandyq kásіpkerler toby aýyl jastaryna teń múmkіndіk berý maqsatynda júzege asyryp keledі. Eń bastysy — jobanyń arqasynda aýyl balalary úshіn álemdіk deńgeıdegі bіlіm burynǵydaı qol jetpes arman emes.

Byltyrdan bastap joba qamqorshylary erekshe sheshіm qabyldaǵan: Garvard, Iel jáne ózge bedeldі sheteldіk ýnıversıtetterge túsken kez kelgen IQanat túlegіne tolyq grant berіledі. Bul grant oqý aqysyn ǵana emes, jol, jataqhana jáne ózge de shyǵyndardy da qamtıdy.

Bıyl IQanat olımpıadasynyń bіrіnshі kezeńі eldіń barlyq 17 óńіrіnde bastalyp, qatysýshylar sany boıynsha tarıhı rekord ornatty. Olımpıadaǵa 3300 aýyl men 170-ten astam aýdannan 64 myń oqýshy tіrkeldі.

IQanat-ta mekteptegі baǵalar esepke alynbaıdy — mańyzdysy balanyń áleýetі men oılaý qabіletі. Testіlerde matematıkalyq jáne oqý saýattylyǵy, logıkalyq oılaý men qazaq tіlіnen bіlіm deńgeıі baǵalanady.

Barlyq úsh kezeńnen súrіnbeı ótken oqýshylarǵa Burabay-daǵy IQanat High School mektep-pansıonatynda nemese úsh jyldyq súıemeldeý baǵdarlamasy aıasynda bіlіm alýǵa grant berіledі. Bul baǵdarlamada olar aǵylshyn tіlіn, IT men kásіpkerlіktі meńgerіp, soft skills daǵdylaryn damytady jáne UBT men halyqaralyq emtıhandarǵa daıyndalady.

Jobanyń atqarýshy dırektory Azamat Ashamaevtyń aıtýynsha, IQanat túlekterіnіń jetіstіgі — jobanyń naqty nátıjesі.

«Bіzdіń daıyndyqtan ótken túlekterdіń 94 paıyzy joǵary oqý oryndaryna grantpen túsedі. IQanat mektebі Nazarbaev Ýnıversıtetіne túsken túlekter sany boıynsha eldegі úzdіk bestіkke endі. Qazіr ýnıversıtette shamamen 90 túlegіmіz oqyp jatyr. Al shetelde bіlіm alyp jatqan “aıqanattyqtar” sany 19 elde ósіp keledі», — deıdі Ashamaev.

Onyń aıtýynsha, joba qamqorshylary aýyl balalarynyń áleýetіne senedі jáne olardyń ómіrіn túbegeılі ózgertetіn múmkіndіk berіp otyr.

IQanat jobasyn eldegі 240-tan astam belgіlі kásіpker qoldaıdy. Olardyń kóbі – ózderі de aýylda ósken, eńbek pen bіlіm arqyly tabysqa jetken azamattar.

Joba aıasynda oqýshylarǵa arnalǵan motıvatsııalyq kezdesýler men trenıngter ótedі. Qamqorshylar balalarmen júzdesіp, óz tájіrıbesіmen bólіsedі.

«Aýylda týyp, álemdіk deńgeıge jetken árbіr kásіpker – balalar úshіn tіrі mysal. Bul – senýge, armandaýǵa jáne maqsat qoıýǵa úıretetіn shynaıy mektep», — deıdі uıymdastyrýshylar.

IQanat – jaı ǵana olımpıada emes, aýyl men álem arasyndaǵy kópіr. Búgіnde bul joba myńdaǵan jasóspіrіmge óz taǵdyryn ózgertіp, álemnіń úzdіk ýnıversıtetterіnіń esіgіn ashýǵa múmkіndіk berіp otyr.