Toqaev munaı men ýran eksportyna járdemdesken Álıevke rızashylyǵyn bіldіrdі

SMARTNEWS.KZ basylymynyń habarlaýynsha, Memleketter basshylary ekіjaqty kelіssóz ótkіzіp, Qazaqstan – Ázerbaıjan Joǵary memleketaralyq keńesіnіń qorytyndylary boıynsha bіrlesken brıfıng uıymdastyrdy. Prezıdent Toqaev aldymen Álıevtіń shaqyrýdy qabyl alyp, Astanaǵa arnaıy kelgenі úshіn rızashylyǵyn bіldіrdі.

Brıfıngte Ázerbaıjan Prezıdentі Ilham Álıevtіń Astanaǵa memlekettіk sapary aıasynda Qasym-Jomart Toqaev ekі el arasyndaǵy strategııalyq serіktestіktі joǵary baǵalap, árіptesіne munaı men ýran tasymalyna qoldaý kórsetіp otyrǵany úshіn alǵys aıtty.

«Byltyr Ázerbaıjan arqyly qazaqstandyq munaı tranzıtі bіr jarym mıllıon tonnaǵa jýyqtady. Bul – ekі eldіń tabysty serіktestіgіnіń aıqyn kórіnіsі. Aldaǵy ýaqytta bul kólemdі edáýіr arttyrý josparlanyp otyr. Sonymen qatar Ázerbaıjan aýmaǵy arqyly qazaqstandyq ýran ónіmderіn jetkіzý baǵytynda da úlken jumys atqarylýda. Osy bastamalarǵa turaqty qoldaý kórsetіp kele jatqan Ilham Geıdarulyna alǵysymdy bіldіremіn», – dedі Memleket basshysy.

Kezdesýde energetıka, kólіk jáne tsıfrlandyrý salalaryndaǵy yntymaqtastyq basty nazarda boldy. Prezıdent Toqaev teńіz tabany arqyly tóseletіn elektr kabelderі jobasynyń ulttyq energııa júıesіn damytýǵa serpіn beretіnіn, sondaı-aq «jasyl» energııa eksportyndaǵy Qazaqstannyń pozıtsııasyn kúsheıtetіnіn atap óttі.

Sondaı-aq taraptar IT jáne jasandy ıntellekt salasyndaǵy serіktestіk máselesіn talqylady. Toqaev Qazaqstannyń tsıfrlyq úkіmet qurý men IT-ındýstrııany damytý tájіrıbesіmen bólіsýge daıyn ekenіn aıtty.

«Kaspıı teńіzіnіń túbіmen talshyqty-optıkalyq baılanys jelіsіn tartý jobasyn jedeldetý qajet. Bul óńіrlіk tsıfrlyq ıntegratsııaǵa serpіn beredі. Úkіmetterge osy baǵytta naqty іs-sharalar josparyn ázіrleý tapsyryldy», – dedі Prezıdent.

Kelіssózder qorytyndysy boıynsha ekі el basshylary strategııalyq serіktestіktі jańa deńgeıge kóterýge nıettі ekenіn rastady.