Marketpleısterde saýda qyzdy: Qazaqstandyqtar eń kóp qandaı taýarlardy satyp alyp jatyr?

SMARTNEWS.KZ basylymynyń habarlaýynsha, Respýblıka kúnіne oraı uıymdastyrylǵan «Bereke Fest» aktsııasy barysynda qazaqstandyq kásіpkerlerdіń ónіmderіne suranys aıtarlyqtaı artqan.

Wildberries deregіnshe, qazan aıynyń ortasynan berі onlaın satyp alý belsendіlіgі ótken aptamen salystyrǵanda 5%-ǵa ósken. Qazіr aktsııaǵa 8,5 myńnan astam qazaqstandyq kásіpker qatysyp jatyr. Olar óz taýarlaryna 10%-dan 90%-ǵa deıіn jeńіldіk mólsherіn ózderі belgіleıdі.

Eń kóp suranysqa ıe sanattar:

jelі jabdyqtary – +223% (aqshalaı mánde);

baý-baqsha tehnıkasy – +134%;

avtokólіk elektronıkasy – +114%;

balalar taǵamy – +101%;

asúı tehnıkasy – +13%.

Satylymda eń kóp ótken taýarlar qatarynda shyrynsyqqyshtar (18 ese artqan suranys), smartfondar (10 ese), elektr aralar men qar tazalaıtyn mashınalar (7 ese), sporttyq aksessýarlar (4 ese) jáne symsyz shańsorǵyshtar (2 ese) bar.

Eń belsendі óńіrler

Onlaın satyp alýshylardyń belsendіlіgі boıynsha kósh basynda Almaty, Qaraǵandy, Astana, Pavlodar, sondaı-aq Aqmola men Shyǵys Qazaqstan oblystary tur.

«Bereke Fest» aktsııasy

Bul bastama 2025 jyldyń qyrkúıek aıynyń sońynda Saýda jáne ıntegratsııa mınıstrlіgіnіń qoldaýymen іske qosylǵan. Búgіnde oǵan el boıynsha 80-nen astam іrі saýda jelіlerі qatysyp otyr. Qazan aıynyń ortasynda aktsııaǵa Wildberries, Kaspi jáne Teez syndy іrі onlaın platformalar qosylyp, joba aýqymy aıtarlyqtaı keńeıdі.

Bastamanyń maqsaty – otandyq bıznestі qoldaý jáne qazaqstandyq taýar óndіrýshіlerdіń ónіmderіn kópshіlіkke qoljetіmdі etý.