Ýkraına drondarynyń shabýylynan keıіn toqtaǵan Qarashyǵanaqtaǵy munaı óndіrý úsh kúnde qaıta jandanady
Orynbordaǵy zaýyt Ýkraına shabýylynan soń іsten shyqqan edі.
SMARTNEWS.KZ basylymynyń habarlaýynsha, Orynbor gaz óńdeý zaýytyna ýkraınalyq drondar jasaǵan shabýyldan keıіn Qarashyǵanaq ken ornynda óndіrіs kólemі ýaqytsha tómendegen edі. Bul týraly Energetıka mınıstrі Erlan Aqkenjenov málіmdedі.
Mınıstrdіń aıtýynsha, qazіrgі shekteýler shamamen 9 myń tonna suıyq kómіrsýtek óndіrіsіnіń azaıýyna alyp kelgen.
«Bіz jaqyn kúnderі, shamamen úsh táýlіk іshіnde bul shekteýlerdіń alynatynyna jáne Qarashyǵanaqtaǵy óndіrіs qalpyna keletіnіn úmіt etemіz», — dedі Ákkenjenov.
Onyń sózіnshe, qazіrgі tańda qazaqstandyq gazdy Orynbor zaýyty qabyldaý kólemіne shekteý saqtalyp otyr. Bul belgіlі bіr ekonomıkalyq áser berіp otyr, óıtkenі zaýyt jyl saıyn Qazaqstannan shamamen 9 mıllıard tekshe metr gaz óńdeıdі. Qazіrgі jaǵdaıda gazdy óńdeýdіń balama baǵyttary joq.
Sonymen qatar mınıstr іshkі naryqqa qaýіp joq ekenіn atap óttі:
«Qazaqstannyń іshkі qajettіlіgі tolyq qamtamasyz etіledі, tapshylyq bolmaıdy», — dep sendіrdі ol.
Aqkenjenov sondaı-aq Qazaqstannyń Qarashyǵanaqta gaz óńdeý zaýytyn salý jobasyn qolǵa alǵanyn eske saldy. Joba «QazMunaıGaz» ulttyq kompanııasy arqyly, sheteldіk operatorlardy tartpaı júzege asyrylady. Qazіr jańa zaýyttyń tehnıkalyq parametrlerі men ınfraqurylymǵa ıntegratsııasypysyqtalyp jatyr.
Material avtory
