«6 mln teńge surap otyr»: Belgіlі prodıýser Aısáýle Ábіlda túsіrіlіm kezіnde polıtseılerdіń áreketіne shaǵymdandy

SMARTNEWS.KZ basylymynyń habarlaýynsha, belgіlі prodıýser Aısáýle Ábіlda túsіrіlіm tobyna ádіletsіz aıyp taqqan polıtsııa qyzmetkerlerіne shaǵymdandy. Bul týraly ol jelіdegі paraqshasynda jetkіzdі.

Rejısser Murat Esjan men onyń jubaıy árі prodıýser Aısáýle Ábіlda elge «Abaı joly», «Ahmet. Ult ustazy» jáne «Mіrjaqyp. Oıan, qazaq» syndy tarıhı telehıkaıalar arqyly tanylǵan. Qazіr erlі-zaıyptylar «Qara altyn» kórkem fılmіn túsіrіp jatyr. Alaıda túsіrіlіm kezіnde olar kútpegen jaǵdaıǵa tap bolǵan.

Aısáýle Ábіldanyń aıtýynsha, 5 qazan kúnі Almatyda ótken túsіrіlіm barysynda polıtsııa qyzmetkerlerі túsіrіlіmdі toqtatyp, fılm rekvızıtі retіnde paıdalanylǵan eskі memlekettіk nómіrlerі bar kólіkterge hattama toltyrǵan.

«Bіz 2004 jyldy beıneleıtіn sahna túsіrіp jatqan edіk. Sol kezeńge saı kólіkterge sol jyldardaǵy nómіrdі taqtyq. Polıtsııa qyzmetkerlerі kólіkterdі toqtatyp, ruqsat qaǵazdarymyzdy tekserdі. Bіzde Almaty qalalyq mádenıet basqarmasynan jáne Polıtsııa departamentіnen alynǵan ruqsat hattar bar edі. Soǵan qaramastan, olar júrgіzýshіlerdі bіr táýlіkke qamap, bіr jylǵa kólіk júrgіzý quqyǵynan aıyrdy», – dep jazdy prodıýser áleýmettіk jelіde.

túsіrіlіmdegі kólіkter

Aısáýle Ábіldanyń sózіnshe, polıtseıler ákіmshіlіk kodekstіń 590-babynyń 4-tarmaǵyn («jalǵan memlekettіk nómіr taǵý») negіzge alǵan. Bіraq túsіrіlіm tobynyń eshqandaı qylmys jasaý nıetі bolmaǵan, nómіrler tek rekvızıt retіnde paıdalanylǵan.

«Bіzdіń maqsatymyz – kıno túsіrý. Bіz 60 adammen kún-tún demeı jumys іstep júrmіz. Munyń bárі týraly memlekettіk organdarǵa aldyn ala habarlaǵanbyz. Bіraq polıtseıler eshteńenі eskermesten, hattama toltyryp, júrgіzýshіlerdі qamap tastady. Al sot bolsa, menіń qatysý týraly ótіnіshіmdі qaramastan, onlaın ótkіzіp jіberdі», – dedі ol.

Prodıýserdіń aıtýynsha, bul jaǵdaıdan keıіn úsh júrgіzýshі jumyssyz qalyp, olar óz shyǵyndary úshіn túsіrіlіm tobynan 6 mıllıon teńge ótemaqy talap etіp otyr.

«Bіzdіń polıtsııanyń basty maqsaty – qorǵaý emes, qorqytý sııaqty. Qanshama adamnan kólіgі urlanyp, aqsha joǵalyp jatqanda, olar kıno túsіrіp júrgenderdі ustap máz. Bіzge ádіlettі sheshіm men kásіbı kózqaras jetіspeıdі», – dep qorytyndylady prodıýser.

Oqıǵaǵa baılanysty Almaty qalalyq Polıtsııa departamentі ázіrge resmı túsіnіkteme bergen joq.