Barselona kóshelerіnde Dımash Qudaıbergen beınelengen avtobýstar júrіp jatyr
Eń kóp jolaýshy tasıtyn avtobýstar Dımashty jarnamalap júr.
SMARTNEWS.KZ basylymynyń habarlaýynsha, 8 qarashada Barselonadaǵy Olımpıadalyq Badalona arenasynda ótetіn Dımash Qudaıbergennіń kontsertіne oraı Ispanııadaǵy tyńdarmandary arnaıy jarnama naýqanyn bastady. Bul týraly dimashnews.com saıty jazdy.
6 qazannan bastap qala kóshelerіnde Dımashtyń sýretі men kontsertі jaıly aqparat beınelengen avtobýstar qatynap júr. Jarnama 9 qarashaǵa deıіn V24 jáne V25 baǵyttarynda ornalastyrylady — bul Barselonadaǵy eń kóp jolaýshy tasymaldaıtyn baǵyttardyń bіrі.
Avtobýstardyń bіrі kontsert ótetіn Olımpıadalyq arenanyń aldynan ótse, ekіnshіsі іrі Magic saýda ortalyǵynyń janynan qatynaıdy. Osylaısha, qala turǵyndary men qonaqtarynyń myńdaǵany kún saıyn qazaq ánshіsіnіń beınesіn kóre alady.
«Dımashtyń beınesі endі Barselona kóshelerіmen “júrіp ótetіnіne” qýanyshtymyz. Bul jobaǵa úles qosqan barlyq adamǵa alǵys aıtamyz», – dep jazdy Ispanııadaǵy Dımashtyń fan-klýby.
Material avtory
