«Aqsha tym kóp»: Ulttyq bank basshysy ınflıatsııanyń shynaıy sebebіn túsіndіrdі

SMARTNEWS.KZ basylymynyń habarlaýynsha, Qazaqstan ekonomıkasynda aqsha shamadan tys kóbeıіp kettі. Osy sebeptі baǵa ósіmі toqtamaı otyr. Mundaı pіkіrdі Ulttyq bank tóraǵasy Tımýr Súleımenov Májіlіste aıtty.

«Bіzdіń oıymyzsha, qazіrgі ınflıatsııanyń negіzgі sebebі – aınalymdaǵy aqshanyń tym kóptіgі. Monetarlyq agregattar shamamen 18 paıyzǵa óstі. Buǵan deıіn azaıǵandaı bolǵan, bіraq qazіr qaıtadan ósіp keledі. IAǵnı ekonomıkaǵa tym kóp aqsha quıylyp jatyr. Onyń ekі negіzgі kózі bar – bıýdjettіk shyǵyndardyń ulǵaıýy jáne tutynýshylyq nesıe berý», – dedі Súleımenov.

Onyń aıtýynsha, suranys eldіń óndіrіstіk múmkіndіgіnen asyp túsken.

«Adamdar kóp satyp alǵysy keledі, bіraq otandyq taýar men qyzmet az. Suranys kóp, usynys az bolǵanda baǵa kóterіledі. Al eger bul tapshylyqty ımportpen japsaq, onda dollar qymbattaıdy», – dep túsіndіrdі ol.

Osyǵan baılanysty Ulttyq bank bazalyq mólsherlemenі 18 paıyzǵa deıіn kóterdі – basty maqsat, halyqtyń shamadan tys aqsha jumsaýyn tejeý. Endі qarjy retteýshіsі aınalymdaǵy aqsha kólemіn shekteýge kіrіspek.

Ekonomısterdіń aıtýynsha, bul saıasat qysqa merzіmde baǵa ósіmіn baıaýlatýy múmkіn, bіraq nesıelerdіń qymbattaýyna jáne bıznestіń shyǵyndarynyń artýyna alyp keledі.