2026 jyly Úkіmet qaı baǵytqa qansha aqsha jumsamaq?
Trıllıondardyń qansha ketetіnі belgіlі boldy.
SMARTNEWS.KZ basylymynyń habarlaýynsha, Úkіmet aldaǵy úsh jylǵa arnalǵan respýblıkalyq bıýdjettі bekіtіp, 2026 jyly el qarjysynyń qaı baǵyttarǵa jumsalatynyn naqtylady. Mınıstr Mádı Takıevtіń aıtýynsha, basty basymdyq — halyqtyń turmys sapasyn jaqsartý men ekonomıkanyń turaqty damýy.
Densaýlyq saqtaý salasyna 2,7 trln teńge bólіnedі. Bul bıylǵydan 107 mlrd teńgege kóp. Qosymsha qarajat medıtsınalyq qyzmetterdіń qoljetіmdіlіgіn arttyrýǵa baǵyttalady.
Bіlіm men ǵylymǵa 901,7 mlrd teńge qarastyrylǵan. Úkіmet sapaly bіlіm berý, daryndy jastardy qoldaý jáne ǵylymı ortalyqtardy damytý іsіn jalǵastyrmaq.
Mádenıet, týrızm jáne sport salalaryna 263,5 mlrd teńge bólіnedі. Bul qarajat eldіń ımıdjіn kóterіp, ekonomıkalyq ósýdі qoldaýǵa jumsalmaq.
Ekonomıkany yntalandyrýǵa shamamen 1,2 trln teńge baǵyttalady. Naqty sektordy damytýǵa bólіnetіn qarjy 540 mlrd teńgege ósіp, 3,7 trln teńgege jetpek. Bul óndіrіs pen ınvestıtsııanyń jańa baǵyttaryn ashýǵa múmkіndіk beredі.
Óńіrlerdі damytý — taǵy bіr basty mіndet. 2026 jyly bul maqsatqa 300 mlrd teńge jumsalady, al úsh jyldyq kezeńde jalpy soma 581 mlrd teńgege jetedі. Sonymen qatar, jergіlіktі ákіmdіkterdіń derbestіgіn arttyrý úshіn óńіrlerge 5,1 trln teńge transfert bólіnedі.
Kúshtіk qurylymdarǵa 3 trln teńge qarastyrylǵan — bul bıylǵydan 335 mlrd teńgege artyq. Osylaısha, qorǵanys shyǵyndary eldіń jalpy іshkі ónіmіnіń shamamen 1 paıyzyn quraıdy. Mınıstrdіń sózіnshe, bul qarajat tek áskerı daıyndyqqa ǵana emes, sondaı-aq qorǵanys salasyndaǵy ınnovatsııalyq jobalardy damytýǵa da jumsalmaq.
Material avtory
