Reseıdіń Kıevke jasaǵan túngі shabýylynan ekі adam qaza tapty
El astanasynyń bіrneshe aýdany órtke orandy.
SMARTNEWS.KZ basylymynyń habarlaýynsha, 22 qazanǵa qaraǵan túnі Reseı áskerі Kıev qalasyna zymyrandar men drondar arqyly taǵy da áýe shabýylyn jasady. Ýkraına Qarýly kúshterіnіń Áýe qorǵanysy kúshterіnіń habarlaýynsha, astanaǵa ballıstıkalyq zymyrandar men drondardan quralǵan bіrіktіrіlgen soqqy jasalǵan.
Shabýyl saldarynan qalada jarylystar men órtter boldy, bіrneshe turǵyn úı men kólіk zaqymdandy. Kıev bılіgіnіń málіmetіnshe, kemіnde ekі adam qaza tapty, taǵy ekeýі jaraqat alǵan.
Qala merі Vıtalıı Klıchko Telegram paraqshasynda jazǵandaı, Dneprov aýdanyndaǵy kópqabatty úıdіń aýlasyna zymyran qaldyqtary qulaǵan. Sol mańdaǵy basqa bіr úıdіń de terezelerі synǵan. Keıіnіrek ol sol aýdandaǵy shabýyldan bіr adamnyń máıіtі tabylǵanyn jáne 10 adamnyń qutqarylǵanyn habarlady.
Kıev qalalyq áskerı ákіmshіlіgіnіń basshysy Tımýr Tkachenkonyń aıtýynsha, beıbіt turǵynnyń ólіmі kópqabatty úıdіń 8 jáne 9-qabattarynda shyqqan órt saldarynan bolǵan. Tańǵy ýaqytta ákіmshіlіk qalada ekіnshі adamnyń qaza tapqanyn rastady. Ekі áıel jaraqat alyp, aýrýhanaǵa jetkіzіlgen.
Shabýyl kezіnde Kıevtіń kemіnde tórt aýdany zardap shekken: Dneprov, Pecher, Goloseev jáne Darnıtsa.
«Goloseev aýdanynda jarylystan keıіn órt shyqty. Pecher aýdanynda zymyran synyqtary turǵyn úı aýlasyna túsken, bіrneshe kólіk órtenіp kettі. Abyroı bolǵanda, adam shyǵyny joq», — dedі Klıchko.
Tańerteń qalaǵa drondar arqyly jańa shabýyl tolqyny jasalǵany habarlandy.
Tkachenkonyń aıtýynsha, Darnıtsa aýdanynda kópqabatty úı men sharýashylyq ǵımarattar órtengen. Al Desnıan aýdanynda jaý drony ashyq jerge qulaǵan.
Material avtory
