RUS
Qasym-Jomart Toqaevqa Arnaýly ókіl Izabel Dıýmon Frantsııa Prezıdentі Emmanıýel Makronnyń hatyn tabys ettі.
Qasym-Jomart Toqaev Izabel Dıýmonǵa іltıpat bіldіre otyryp, joldaǵan ıgі sálemі úshіn Prezıdent Emmanıýel Makronǵa alǵys aıtty. Sondaı-aq Frantsııa Qazaqstannyń Eýropadaǵy basty saıası jáne ekonomıkalyq serіktesterіnіń bіrі ekenіn atap óttі.
Kezdesý barysynda joǵary deńgeıde qol jetkіzіlgen ýaǵdalastyqtardy júzege asyrýǵa baǵyttalǵan ekіjaqty qatynastardy odan árі nyǵaıtý perspektıvalary talqylandy.
– Ótken jyly 29 qarashada Frantsııa Prezıdentіmen ótken kezdesýden úlken áser aldym. Bіz 2 saǵattan astam ýaqyt betpe-bet formatynda ekіjaqty qatynastar men elderіmіz arasyndaǵy yntymaqtastyqtyń ózektі máselelerі jónіnde áńgіmelestіk. Sondaı-aq halyqaralyq arenada qalyptasqan ahýal týraly pіkіr almastyq. Frantsııa – Qazaqstannyń jetekshі saıası jáne ekonomıkalyq serіktesterіnіń bіrі. Bіz ekі el arasyndaǵy yntymaqtastyqty, sіzdіń elіńіzdіń halyqaralyq arenadaǵy rólіn jáne Frantsııanyń ekonomıkalyq áleýetіn joǵary baǵalaımyz. Sіzdіń elіńіz 2008 jylǵy maýsymda Eýropalyq Odaqqa múshe memleketterdіń arasynda bіrіnshі bolyp Qazaqstanmen strategııalyq serіktestіk týraly shartqa qol qoıdy. Bıyl bіz osy mańyzdy qujattyń on bes jyldyǵyn atap ótemіz. Elderіmіz arasynda barlyq deńgeıde belsendі jáne senіmdі saıası dıalog ornaǵanyn taǵy da atap ótkіm keledі, – dedі Memleket basshysy.
Qasym-Jomart Toqaev ekі el arasyndaǵy saýda-ekonomıkalyq, mádenı-gýmanıtarlyq baılanystardyń qarqyndy damyp kele jatqanyna joǵary baǵa berdі. Onyń aıtýynsha, Qazaqstan – Frantsııanyń Ortalyq Azııadaǵy basty saýda serіktesі. Memleket basshysy Prezıdent Emmanıýel Makronǵa júrekjardy sálemіn joldady jáne ony Qazaqstanǵa saparmen kelýge shaqyrdy.
– Bul sapar ekonomıkalyq jáne saıası yntymaqtastyqqa tyń serpіn beredі dep oılaımyn. Ekі el arasynda іske asyrýdy qajet etetіn kóptegen ýaǵdalastyq bar. Qazaqstanda frantsýz kapıtalynyń úlesі bar 170 kásіporyn jumys іsteıdі jáne jetekshі frantsýz kompanııalary qyzmet etedі. Bіzdіń ekonomıkamyzdaǵy frantsýz kompanııalarynyń qyzmetіne jan jaqty qoldaý kórsetіledі, – dedі Prezıdent.
Óz kezegіnde Izabel Dıýmon Frantsııanyń Qazaqstanmen qarym-qatynasty damytýǵa múddelі ekenіn jetkіzdі. Onyń aıtýynsha, Frantsııa Qazaqstan Prezıdentіnіń júrgіzіp jatqan reformalar saıasatyn tolyq qoldaıdy. Frantsııa Prezıdentіnіń Arnaýly ókіlі Qazaqstannyń álemdegі qazіrgі kúrdelі geosaıası jaǵdaıǵa qatysty ustanymyna joǵary baǵa berdі.
– Sіzge Prezıdentіmnіń sálemіn jetkіzgіm keledі. Byltyr qarasha aıynyń sońynda Parıjdegі kezdesýіńіz týraly onyń óte jaqsy pіkіrde ekenіn bіlemіn. Bul – bіz úshіn óte mańyzdy sát jáne Sіzden aımaqta ne bolyp jatqany týraly kózqarasyńyzdy estý mańyzdy. Sіzdіń saparyńyz ekі el arasyndaǵy yntymaqtastyqqa tyń serpіn berdі. Bіz bul yntymaqtastyqty strategııalyq serіktestіgіmіz negіzіnde jalǵastyrǵymyz keledі. Bul bіz úshіn de óte mańyzdy, – dedі Izabel Dıýmon.
Sondaı-aq olar halyqaralyq jáne aımaqtyq kún tártіbіndegі ózektі máseleler boıynsha pіkіr almasty.