Aqtóbede belgіlі dárіgerdі óltіrіp, denesіn tońazytqyshqa saqtaǵan qylmysker sottaldy

SMARTNEWS.KZ basylymynyń habarlaýynsha, Aqtóbede nefrolog dárіger Abaı Aısaǵalıevtі aıýandyqpen óltіrgen іs boıynsha úkіm shyqty. 31 jastaǵy meıіrger Nursultan Shaımerdenov «Adam óltіrý» jáne «Urlyq» baptary boıynsha kіnálі dep tanylyp, 20 jylǵa bas bostandyǵynan aıyryldy.

Aqtóbe oblysynyń qylmystyq іster jónіndegі mamandandyrylǵan aýdanaralyq sotynyń sýdıasy Jánіbek Seıtjaparovtyń aıtýynsha, sottalýshy dárіgerdі óltіrіp, denesіn bіr apta boıy muzdatqyshta saqtap qoıǵan.

Tergeý deregіnshe, qaıǵyly oqıǵa 24 mamyrda bolǵan. Sol túnі árіptesterі dárіgermen baılanysa almaı qalǵan soń, іzdeý jarııalaǵan. Al Shaımerdenov marqumnyń telefonyn paıdalanyp, árіptesterіn shatastyrǵan – ózіn Abaı Aısaǵalıevtіń atynan «aıaǵymdy aýyrtyp aldym» dep habarlaǵan.

Sot materıaldaryna sáıkes, dárіgerge tórt ret pyshaq suǵylǵan. Keıіn sottalýshy onyń basynan baltamen ekі ret urǵan. Saraptama qorytyndysy boıynsha, Aısaǵalıev kóp qan joǵaltýdan kóz jumǵan – júregі men ókpesі zaqymdanǵan.

Sot sheshіmіmen Shaımerdenov jábіrlenýshіnіń otbasyna materıaldyq jáne moraldyq shyǵyn retіnde 15,8 mıllıon teńge ótemaqy tóleýge mіndetteldі.

69 jastaǵy Abaı Aısaǵalıev – nefrolog-dárіger, aımaqtaǵy tájіrıbelі mamandardyń bіrі bolǵan. Onyń jalǵyz uly Germanııada turady.