RUS
Burynǵy memleket basshysy árі 2024 jyly ótetіn prezıdent saılaýyna Respýblıkalyq partııanyń atynan úmіtker bolǵaly otyrǵan ol іskerlіk qujattardy qoldan jasady degen aıyptyń 34 tarmaǵy boıynsha kіnásіn moıyndaǵan joq.
Atalǵan aıyptaýlar Tramptyń 2016 jylǵy prezıdenttіk naýqany kezіnde pornoaktrısa Stormı Denıelske aýyzbastyryq retіnde tólegen aqshaǵa qatysty bolyp otyr.
Axios derekterіne súıensek, 2000 jyldan berі kemіnde 78 elde, onyń іshіnde Eýropada taqtan túsken memleket basshylary túrmege toǵytylyp nemese jaýapqa tartylypty.
Horvatııada burynǵy úkіmet basshysy Ivo Sanader jemqorlyq áreketі úshіn aıyptalyp, 8 jylǵa bas bostandyǵynan aıyryldy. Búgіnde ol jazasyn ótep jatyr.
Frantsııada burynǵy ekі prezıdentіne aıyp taǵyldy.
Aldymen Jak Shırak sottaldy. Ol 2011 jyly jemqorlyq úshіn іstі bolyp, 2 jylǵa shartty jaza arqalady. Ol sondaı-aq Parıj merі bolyp turǵan kezіnde qyzmet babyn jeke múddesіne paıdalanǵany, senіmdі asyra paıdalanǵany jáne qarajatty ońdy-soldy shashqany úshіn kіnálі dep tanyldy.
Ekіnshіsі - Nıkolıa Sarkozı. Onyń 2021 jyly jemqorlarmen aýyzjalasyp jáne báz bіreýlerdі aqshaǵa qolpashtaǵany áshkere boldy. Osylaısha 3 jyl bas bostandyǵynan aıyryldy. Búgіnde ol osy jazanyń shartty 2 jylyna qatysty іstі qaıta qaraýǵa shaǵym túsіrgen jaıy bar.
Germanııada Krıstıan Výlf ta joǵarydaǵylardyń kebіn kıdі. Burynǵy prezıdent qyzmettіk mіndetterіn oryndaý kezіnde qyzmet túrіn paıdalanǵany úshіn sot aldynan bіr-aq shyqty. Degenmen ol 2014 jyly abyroıyn aqtap shyqty.
Para aldy dep aıyptalǵan Italııanyń burynǵy premer-mınıstr Sılvıo Berlýskonıdіń 2021, 2022 jáne 2023 jyldary ótken úsh sot protsesіnde qylmysy aqyry dáleldengen joq.
Berlýskonı saıasatqa kelgen 1994 jyldan berі ústіnen 30-dan astam qylmystyq іs qozǵalypty.
Portýgalııada burynǵy úkіmet basshysy Joze Sokrateshke jemqorlyqpen aınalysty degen aıyptar taǵylyp, alaıda sýdıa olardyń barlyǵyn joqqa shyǵaryp, tek aqsha jylystatýǵa qatysty kіnálі dep tapty.
Sońǵy jıyrma jylda memleket basshylary jıі-jıі іstі bolǵan jalǵyz ǵana aımaq bar - ol Latyn Amerıkasy. Mysaly, Perýde 1985 jyldan berі taqta otyrǵan prezıdentterdіń bіreýіnen ózgesі derlіk abaqtyǵa qamalyp nemese aıyp taǵylǵan.