Reformalar halyqtyń ómіrіn qıyndata bermeı, jaqsartýy tıіs — sarapshy

SMARTNEWS.KZ basylymynyń habarlaýynsha, munaı-gaz salasynyń sarapshysy Asqar Ismaılov úkіmettіń janarmaı baǵasyn ýaqytsha «toqtatý» týraly sheshіmі men salyq kodeksіndegі ózgerіsterge qatysty pіkіr bіldіrdі. Ol óz oıyn «Chto po dengam?» podkastynda aıtty.

Ismaılovtyń aıtýynsha, baǵanyń ósýіne engіzіlgen moratorıı — ekonomıkalyq emes, saıası sheshіm. Bul qoǵamdaǵy qysymdy azaıtyp, ekonomıkany turaqtandyrýdyń ózge joldaryn іzdeýge ýaqyt utyp alý áreketі.

«Aldaǵy aılarda benzın tapshylyǵy bolmaıdy. Eger Reseıden jetkіzýde qıyndyqtar týyndasa, Qazaqstan qytaılyq otynmen ony almastyra alady. Halyqtyń kóbі buǵan daıyn», — dedі sarapshy.

Alaıda ol naqty qaýіptіń 2030 jyldarǵa qaraı týyndaýy múmkіn ekenіn eskerttі. El eskі ken oryndaryndaǵy óndіrіstі qoldaý men barlaýǵa ınvestıtsııa salmasa, munaı ónіmderіnіń jetіspeýshіlіgіne tap bolýy yqtımal.

Ismaılovtyń pіkіrіnshe, іshkі naryqtaǵy arzan baǵa kórshі elderge janarmaıdyń zańsyz tasymalyna jol ashady. Bіraq baǵany kórshіler deńgeıіne kóterý máselenі sheshpeıdі.

«Másele — munaıshylardy qoldaý men baǵa qalyptastyrý júıesіn ózgertýde», — deıdі ol.

Sondaı-aq sarapshy salyq saıasaty men áleýmettіk salanyń da qoǵamǵa áserіn atap óttі.

«Barlyq aýyrtpalyqty halyqtyń moınyna іlýge bolmaıdy. Kólіk salasynda eldіń jartysy jumys іsteıdі. Reformalar ómіr sapasyn jaqsartýy tıіs, kerіsіnshe emes», — dedі Ismaılov.

Onyń sózіnshe, qazіrgі sheshіmder ýaqytsha tynys alýǵa múmkіndіk bergenіmen, bul uzaqmerzіmdі sheshіm emes.

«Qazaqstan tońbaıdy. Qajet bolsa, úkіmet der kezіnde otyn satyp alady. Bіraq bosańsýǵa bolmaıdy — bárі munaıǵa táýeldі», — dep túıіndedі sarapshy.