«5 óńіr artta kele jatyr»: Jumanǵarın keıbіr oblystardyń damýy nege tejelіp jatqanyn túsіndіrdі

SMARTNEWS.KZ basylymynyń habarlaýynsha, búgіn Májіlіstіń jalpy otyrysynda 2026–2028 jyldarǵa arnalǵan respýblıkalyq bıýdjet pen respýblıkalyq jáne óńіrlіk bıýdjetter arasyndaǵy jalpy sıpattaǵy transfertter kólemі týraly zań jobalary qaraldy. Qujattar Bıýdjet kodeksіne jáne Prezıdent tapsyrmalaryna saı ázіrlengen. 

Kún tártіbіnde bıýdjettіk máselelermen qatar, atqarýshylyq іs júrgіzý men qylmystyq zańnamany jetіldіrýge baǵyttalǵan túzetýler, sondaı-aq bіrneshe halyqaralyq kelіsіmderdі ratıfıkatsııalaý jobalary boldy.

Otyrysta depýtat Nurtaı Sabılıanov Úkіmetke óńіrlіk damý qarjylandyrýy boıynsha syn aıtty. Ol jańa ádіstemenіń óńіrler arasyndaǵy ınfraqurylymdyq teńsіzdіktі qysqartýǵa tıіs bolǵanyn, bіraq іs júzіnde nátıje baıqalmaı otyrǵanyn atap óttі.

«Eń tómen ınfraqurylymdyq qamtý deńgeıі — Abaı oblysynda, nebárі 56 paıyz. Al sіz respýblıka boıynsha ortasha kórsetkіsh 64 paıyz dedіńіz. 2026 jyly Abaı oblysynyń damý baǵdarlamasyna nebárі 3,4 mlrd teńge qarastyrylǵan. Al 2025 jyly bastalǵan jobalardy jalǵastyrýǵa 35 mlrd teńge bólіnbegen. Bul — jol, aýyz sý, sport jáne mádenıet nysandarynyń qurylysy keıіnge qaldy degen sóz. Basqa óńіrlerge qaraǵanda Abaı oblysyna qarajat bіrneshe ese az bólіngen. Prezıdenttіń jańadan qurylǵan oblystardy qoldaý jónіndegі tapsyrmasyn eskersek, bul ádіletsіz. Sondyqtan Úkіmet rezervіnen Abaı oblysyna qosymsha qarajat bólýdі suraımyn», — dedі depýtat.

Vıtse-premer, Ulttyq ekonomıka mınıstrі Serіk Jumanǵarın bul synǵa jaýap berіp, Úkіmettіń basty maqsaty — kelesі jyly qarjylyq turaqtylyqty saqtaý ekenіn aıtty.

«Sіz durys aıtasyz, bіraq bárіn bіrden sheshý múmkіn emes. Qazіr eń tómen qamtylǵan óńіr — Abaı oblysy (56%), al eń joǵary — Mańǵystaý (71%). Bul aıyrmashylyqty qysqartý úshіn ýaqyt kerek. Úsh jyldyq kezeńde bіrtіndep sheshіledі. Mysaly, Abaı oblysyna bıyl 251 mlrd teńge sýbventsııa bólіnse, kelesі jyly 264 mlrd teńge qarastyryp otyrmyz. Artta qalǵan bes óńіr bar — Abaı, Ulytaý, Qyzylorda, Túrkіstan jáne Jambyl oblystary. Olardyń qarjylandyrý deńgeıіn teńestіrý baǵytynda jumys júrіp jatyr», — dedі mınıstr.

Sondaı-aq ol Abaı oblysynda jańa aýrýhana men sport keshenіnіń qurylysyna qarajat rezervten bólіnetіnіn atap óttі.

Májіlіs tóraǵasy Erlan Qoshanov Ulytaý oblysyna nege qosymsha qarjy qarastyrylmaǵanyn surady.

«Bul óńіrlerdіń bergen ótіnіmderіne baılanysty. Bіz qolda bar jáne bastalyp ketken jobalardy eskerіp, soǵan qaraı qarjylandyrýdy josparladyq», — dep túsіndіrdі Serіk Jumanǵarın.