Tramp Pýtınmen kezdesýіn toqtatyp, Reseıge qarsy jańa sanktsııalar engіzdі

SMARTNEWS.KZ basylymynyń habarlaýynsha, AQSh prezıdentі Donald Tramp Vashıngtonda NATO bas hatshysy Mark Rıýttemen kelіssóz ótkіzdі. Kezdesý barysynda Tramp Reseı prezıdentі Vladımır Pýtınmen josparlanǵan kezdesýdі Býdapeshtte ótkіzbeý týraly sheshіm qabyldaǵanyn málіmdedі.

«Maǵan bul kezdesýden naqty nátıje shyǵýy ekіtalaı kórіndі. Vladımırmen sóılesken saıyn jaqsy áser qalsa da, áńgіme árdaıym іspen aıaqtalmaıdy», – dedі Tramp.

AQSh prezıdentі bolashaqta osyndaı kezdesý ótýі múmkіn ekenіn de joqqa shyǵarǵan joq.

Osy ýaqytta AQSh Qarjy mınıstrlіgі Reseıdіń іrі munaı kompanııalary – «Rosneft», «Lýkoıl» jáne olardyń enshіles qurylymdaryna qarsy jańa sanktsııalar paketіn jarııalady. Vedomstvo muny «Reseıdіń beıbіt kelіsіmge múddelі emestіgіmen» túsіndіrdі.

Tramp bul sheshіmge qatysty resmı qujatty óz áleýmettіk jelіsіnde de jarııalaǵan.

Sondaı-aq AQSh prezıdentі Donald Tramp Reseıdіń Ýkraınadaǵy áreketterіne baılanysty qatqyl málіmdeme jasady. Onyń aıtýynsha, Máskeý qazіr Ýkraına aýmaǵyn tolyq baqylaýǵa alýǵa umtylyp otyr.

Sonymen qatar Tramp Vashıngtonnyń Ýkraınaǵa tіkeleı qarý-jaraq bermeıtіnіn aıtty. Onyń sózіnshe, AQSh tek NATO elderіne qarý satady, al Ýkraına Reseıge qarsy soqqylardy eýropalyq raketalar arqyly júzege asyryp otyr.

Prezıdent ekі tarapty atysty toqtatýǵa shaqyrdy. Ol qaqtyǵys aımaǵyndaǵy kúshterge «fronttaǵy pozıtsııalardy bekіtіp, áskerı qımyldardy doǵarý qajet» degen úndeý joldady.

Tramp sondaı-aq Reseıge qarsy engіzіlgen jańa sanktsııalar uzaqqa sozylmaıtynyna úmіt bіldіrdі.

«Bul sharalar beıbіt sheshіm tabylǵanǵa deıіn ǵana qoldanylýy múmkіn», – dedі ol.

Sondaı-aq AQSh basshysy Qytaı lıderі Sı TSzınpınnіń qaqtyǵysty beıbіt jolmen retteýde mańyzdy ról atqara alatynyn atap óttі.