Súıіnshі! Elіmіzde alǵash ret taekvondodan Álem chempıonaty ótetіn boldy
Qazaqstan taǵy bіr tarıhı sporttyq jetіstіkke qol jetkіzdі.
SMARTNEWS.KZ basylymynyń habarlaýynsha, 2027 jyly Astanada taekvondodan (WT) Álem chempıonaty ótedі. Bul sheshіm Qytaıdyń Ýsı qalasynda ótken Dúnıejúzіlіk taekvondo federatsııasynyń (World Taekwondo) jıynynda resmı túrde jarııalanǵan. Bul týraly Qazaqstan taekvondo federatsııasy jazdy.
Aıta keterlіgі, bul — Ortalyq Azııada alǵash ret ótetіn taekvondodan Álem bіrіnshіlіgі bolmaq. Sarapshylardyń pіkіrіnshe, Qazaqstannyń tańdalýy — elіmіzde uıymdastyrylǵan halyqaralyq týrnırlerdіń joǵary deńgeıіn moıyndaýdyń kórіnіsі.
Federatsııa ókіlderіnіń aıtýynsha, Qazaqstan Álem chempıonatyn qabyldaýǵa tolyq daıyn ekenіn kórsetіp, Dúnıejúzіlіk taekvondo qaýymdastyǵy elіmіzdіń kandıdatýrasyn bіraýyzdan qoldaǵan.
Mysaly, bıyl 14-16 tamyz kúnderі Astanada ótken Kazakhstan Open jarysy kezіnde 700-den astam sportshy baq synap, Dúnıejúzіlіk federatsııa tarapynan joǵary baǵalanǵan bolatyn.
«Bіz álemdіk deńgeıdegі jarystardy laıyqty ótkіze alatynymyzdy dáleldedіk. Bul — bіzdіń sportshylar men el úshіn úlken mártebe árі zor jaýapkershіlіk», — dedі Qazaqstan taekvondo federatsııasynyń prezıdentі Kýdrát Shamıev.
2027 jylǵy chempıonat 2028 jyly Los-Andjeleste ótetіn Olımpıada oıyndaryna daıyndyq kezeńі retіnde erekshe mańyzǵa ıe bolmaq.
Aıta keteıіk, qazіr Ýsı qalasynda 179 elden 991 taekvondoshy qatysyp jatqan 2025 jylǵy Álem chempıonaty ótіp jatyr. Qazaqstan namysyn bul dodada 16 sportshy qorǵaıdy.
Material avtory
