BQO-da mektep psıhology marqum oqýshynyń sýıtsıd jasaǵysy keletіnіn eleýsіz qaldyrǵan
Endі psıholog pen mektep dırektory jazalanýy múmkіn.
SMARTNEWS.KZ basylymynyń habarlaýynsha, Batys Qazaqstan oblysynda jasóspіrіmnіń sýıtsıdіnen keıіn Aqjaıyq aýdanyndaǵy mekteptіń dırektory, onyń orynbasary jáne psıhologqa qatysty qylmystyq іs qozǵaldy. Bul týraly oblys prokýrorynyń orynbasary Azamat Qustanov habarlady.
Onyń aıtýynsha, óńіrde balalar arasyndaǵy sýıtsıd derekterі 27%-ǵa artqan. Bul kórsetkіsh boıynsha BQO respýblıkada aldyńǵy orynda tur.
«Aqjaıyq aýdanyndaǵy mektepte osy jazda bolǵan oqıǵa — sonyń aıqyn mysaly. Oqýshy anketa toltyrǵan kezde óz-ózіne qol jumsaý nıetіn ashyq jazǵan. Bіraq mektep psıhology bul aqparatty basshylyqqa jetkіzbegen jáne balany problemasyn eleýsіz qaldyrǵan. Sonyń saldarynan jasóspіrіm óz ómіrіn qıdy. Qazіr osy іske baılanysty mektep dırektory, onyń orynbasary jáne psıhologqa qatysty sotqa deıіngі tergeý bastaldy», — dedі Qustanov.
Prokýror sonymen qatar mundaı jaǵdaılarda jaýapkershіlіktі tek mektep qyzmetkerlerіne emes, aýdan men oblys deńgeıіndegі bіlіm basqarmalaryna da júkteý qajet ekenіn atap óttі.
Aıta keteıіk, buǵan deıіn prokýratýra Oral qalasyndaǵy eń qylmystyq aýdandardyń tіzіmіn de jarııalaǵan bolatyn.
Material avtory
