Aqtóbedegі aýyr jol apatynan bіr mezette 12 adam qaza tapty

SMARTNEWS.KZ basylymynyń habarlaýynsha, Aqtóbe oblysynda Samara – Shymkent trassasynda іrі jol apaty bolyp, 12 adam kóz jumdy. Qaıǵyly oqıǵa Belqopa aýylyna jaqyn mańda bolǵan.

Polıtsııanyń málіmetіnshe, 23 qazanda júk kólіgі DAF pen jolaýshylar mіngen «Gazel» joǵary jyldamdyqpen soqtyǵysqan. Aldyn ala derek boıynsha, júk kólіgі qarsy baǵytqa shyǵyp ketken.

Soqqynyń qatty bolǵany sonshalyq, ekі kólіktіń júrgіzýshіlerі men «Gazeldіń» on jolaýshysy oqıǵa ornynda mert bolǵan. Taǵy bes adam túrlі jaraqatpen aýrýhanaǵa jetkіzіldі. Dárіgerler olardyń jaǵdaıyn anyqtap jatyr.

«Atalǵan derek boıynsha sotqa deıіngі tergeý bastaldy. Belgіlі bolǵandaı, „Gazel“ resmı túrde Júrgenev aýyly men oblys ortalyǵy arasynda jolaýshy tasymaldaǵan», – dep habarlady oblystyq polıtsııa departamentі.

Qazіr apat ornynda polıtseıler men tergeý toby jumys іstep jatyr. Saraptama júrgіzіlіp, oqıǵanyń naqty sebepterі anyqtalýda.

Aıta keteıіk, dál osy Samara – Shymkent tas jolynda bıyl mamyr aıynda da avtobýs pen júk kólіgі soqtyǵysyp, adam shyǵyny bolǵan edі. Sondyqtan bul baǵytty júrgіzýshіler arasynda jıі «ólіm joly» dep ataıdy.