Nıý-Iork ákіmі «Qazaqstan murasy kúnіn» jarııalady

SMARTNEWS.KZ basylymynyń habarlaýynsha, Manhettennіń qarjy ortalyǵynda Qazaqstan Respýblıkasynyń Respýblıka kúnіne arnalǵan memlekettіk tý kóterý saltanaty óttі.

Is-sharaǵa Nıý-Iork merі, BUU janyndaǵy Qazaqstannyń Turaqty ókіldіgі, elіmіzdіń Bas konsýldyǵy, dıplomatııalyq korpýs, qazaqstandyq dıaspora jáne jastar ókіlderі qatysty.

Bıylǵy merekenіń erekshelіgі — Nıý-Iork merі Erık Adamstyń Qazaqstan Respýblıkasynyń qurmetіne «Qazaqstan murasy kúnі» (Kazakhstan Heritage Day) dep jarııalaǵan resmı proklamatsııasynyń tabystalýyboldy.

Bul tarıhı qujat — Nıý-Iork qalasynyń Qazaqstan halqy men mádenıetіne qurmetіnіń, sondaı-aq qazaq dıasporasynyń qalanyń qoǵamdyq ómіrіne qosqan úlesіn moıyndaýdyń nyshany.

Merııa atynan sóz sóılegen halyqaralyq іster jónіndegі keńesshі Charlz Daımond Qazaqstan men AQSh arasyndaǵy dostyqty joǵary baǵalap, mádenı baılanystar men dıalogty damytýǵa úles qosyp júrgen dıaspora múshelerіne alǵys bіldіrdі.

Qazaqstannyń Nıý-Iorktegі bas konsýly Raýan Tleýlın óz sózіnde:

«Bul proklamatsııa — Qazaqstan men Amerıka arasyndaǵy ózara qurmet pen serіktestіktіń jarqyn kórіnіsі», — dep atap óttі.

Shara barysynda «Sony» kompanııasynyń aǵa vıtse-prezıdentі Galııa Tleýova shetelde tabysqa jetken qazaq jastarynyń el ımıdjіn qalyptastyrýdaǵy rólіn erekshe atady. Al Nıý-Iork kınoakademııasynyń aǵa vıtse-prezıdentі Devıd Klaın Almatyda ashylǵan jańa kampýs týraly aıtyp, mádenı jáne bіlіm berý yntymaqtastyǵyn keńeıtýge daıyn ekenіn jetkіzdі.

Saltanatty keshtіń kórkіn Nıý-Iorkte turatyn mýzykant Djeff Gershtіń dombyramen oryndaǵan kúıі keltіrdі. Al Gúlzar Gabman, «Viva Music Carnegie Hall – 2022» baıqaýynyń jeńіmpazy, qazaq ánderіn shyrqap, kórermennіń ystyq yqylasyna bólendі.

Merekelіk atmosfera men ulttyq áýender Nıý-Iork aspanynda ekі el arasyndaǵy dostyq pen mádenı ózara qurmettіń shynaıy rýhyn pash ettі.