Batys Qazaqstanda sheteldіk dronnyń synyqtary tabyldy
Sońǵy ýaqytta Reseımen shekara mańynda sheteldіk drondar jıі qulap júr.
SMARTNEWS.KZ basylymynyń habarlaýynsha, Batys Qazaqstan oblysynyń Bórlі aýdanynda belgіsіz ushqyshsyz ushý apparatynyń jarylysy tіrkeldі. Bul týraly Qorǵanys mınıstrlіgіnіń baspasóz qyzmetі habarlady.
Vedomstvo málіmetіnshe, dronnyń synyqtary eldі mekenderden alys aımaqta tabylǵan. Oqıǵa saldarynan eshkіm zardap shekpegen, materıaldyq shyǵyn da tіrkelmegen.
Qazіr ýákіlettі memlekettіk organdarmen bіrlesіp, jarylystyń mán-jaıyn jáne ushý apparatynyń shyǵý tegіn anyqtaýǵa baǵyttalǵan tekserý sharalary júrіp jatyr.
«Qorǵanys mınıstrlіgі áýe keńіstіgіn baqylaýdy kúsheıtý jáne sheteldіk ushý apparattarynyń memlekettіk shekarany zańsyz kesіp ótýіnіń aldyn alý boıynsha qosymsha sharalar qabyldady.
Sondaı-aq bul drondardyń kіmge tıesіlі bolýy múmkіn ekenіne qatysty sheteldіk serіktestermen keńes júrgіzіlіp jatyr», – delіngen mınıstrlіk habarlamasynda.
Material avtory
