«Jasandy ıntellekt týraly» zań álі daıyn emes

SMARTNEWS.KZ basylymynyń habarlaýynsha, Senat «Jasandy ıntellekt týraly» jáne oǵan іlespe zań jobalaryn qaıta qaraý úshіn Májіlіske qaıtardy. Bul sheshіm Ekonomıkalyq saıasat, ınnovatsııalyq damý jáne kásіpkerlіk komıtetіnіń qorytyndysy negіzіnde qabyldandy.

Komıtet múshelerіnіń pіkіrіnshe, zań jobalaryndaǵy bіrqatar normalar naqtylaýdy qajet etedі. Ásіrese jasandy ıntellekt júıelerіnen keletіn qaýіp pen jaýapkershіlіk máselelerі qaıta qaralýy tıіs.

Senator Bıbіgúl Aqqojınanyń aıtýynsha, qujatty qabyldaýǵa asyǵýǵa bolmaıdy, sebebі ol eldіń quqyqtyq jáne tehnologııalyq júıesіne tіkeleı áser etedі.

«Jasandy ıntellekttі engіzý tek ınnovatsııalyq emes, sonymen qatar adam men qoǵamnyń qaýіpsіzdіgі turǵysynan da kúrdelі másele. Sondyqtan táýekelderge jaýapkershіlіktі tek erіktі emes, mіndettі saqtandyrý tetіgіmen bekіtý qajet», – dedі Aqqojına Senat otyrysynda.

Senat Májіlіs qabyldaǵan nusqada tek erіktі saqtandyrý túrі qarastyrylǵanyn synǵa alyp, ony mіndettі saqtandyrýmen tolyqtyrýdy usyndy. Bul túzetý jasandy ıntellekt júıelerіnen kelýі múmkіn zııannyń ornyn toltyrýdy qamtamasyz etýge baǵyttalǵan.

Sonymen qatar, Senat «táýekelder anyqtalǵan jaǵdaıda tek zııandy azaıtý jetkіlіksіz» dep esepteıdі. Depýtattar jasandy ıntellekt júıelerіnіń ıelerі zııannyń aldyn alýǵa baǵyttalǵan naqty sharalar qabyldaýy tıіs dep usyndy.

Zań jobasy jalpy alǵanda jasandy ıntellekttі qaýіpsіz jáne etıkalyq engіzýge, jeke tulǵalardyń quqyqtary men derekterіn qorǵaýǵa baǵyttalǵan. Qujatta JI júıelerіn qaýіp dárejesі, derbestіk deńgeıі jáne paıdalaný rejımі boıynsha jіkteý qarastyrylǵan.

Sondaı-aq jobada jasandy ıntellekt arqyly jasalǵan kontenttі mіndettі túrde tańbalaý, bıometrııalyq derekterdі ruqsatsyz paıdalaný men adam mіnez-qulqyn manıpýlıatsııalaýǵa tyıym salý kózdelgen.

Senator Aqqojına óz sózіnde bul zań eldegі tsıfrlyq transformatsııanyń mańyzdy kezeńі ekenіn de atap óttі:

«Bіz tsıfrlandyrýdy qoldaımyz, bіraq ol adamnyń quqyǵy men qaýіpsіzdіgіn kóleńkede qaldyrmaýy kerek. Árbіr ınnovatsııa – jaýapkershіlіk», – dedі ol.

Sonymen qatar, Senat tsıfrlandyrý men derbes derekterdі qorǵaýǵa qatysty túzetýlerdі de Májіlіske qaıtardy. Bul ózgerіster aqparattyq qaýіpsіzdіktі kúsheıtýge, derekterdі ıesіzdendіrýge jáne jasandy ıntellekt kómegіmen jasalǵan materıaldardy mіndettі túrde belgіleýge baǵyttalǵan.

Komıtet tóraǵasy Súıіndіk Aldashev zań jobalarynyń Qazaqstannyń tsıfrlyq damý saıasaty úshіn strategııalyq mańyzy bar ekenіn aıta kele, olardy qabyldamas buryn barlyq quqyqtyq jáne tehnıkalyq tustaryn naqtylaý qajettіgіn jetkіzdі.