Rýblge senіm qalmady: Halqymyz Reseı valıýtasynan jappaı bas tartyp jatyr
Qazaqstandyqtar rýblіn japa-tarmaǵaı satyp jatyr.
SMARTNEWS.KZ basylymynyń habarlaýynsha, qazaqstandyqtar reseılіk rýblge degen qyzyǵýshylyǵyn joǵaltyp keledі. Valıýta baǵamy bıyl aıtarlyqtaı nyǵaıǵanyna qaramastan, elde ony satyp alýshylar sany kúrt azaıǵan. Bul týraly Ranking.kz jazdy.
2025 jyldyń qańtar–tamyz aılarynda aıyrbastaý pýnktterіnde rýbl satýdan túsken túsіm satyp alý kólemіnen 232,2 mlrd teńgege kóp bolǵan. Bul — statıstıka júrgіzіle bastaǵannan bergі eń joǵary terіs nátıje. Ótken jyly bul aıyrma bar bolǵany 18 mlrd teńge edі.
2021 jyly qazaqstandyqtar kerіsіnshe, rýbldі belsendі túrde satyp alyp (443,6 mlrd teńge taza satyp alý kólemі), ony ınvestıtsııalyq qural retіnde qarastyrǵan. Alaıda sońǵy ekі jylda jaǵdaı ózgerdі — halyq reseı valıýtasynan jappaı bas tarta bastady.
Eń úlken tómendeý Astana men Almatyda baıqalǵan: tıіsіnshe 211,4 mlrd jáne 32,5 mlrd teńge. Al rýbl jıі aınalymda júretіn shekaralas óńіrlerde — Shyǵys jáne Soltústіk Qazaqstan, Qaraǵandy oblystarynda — aıyrbas kólemі 15–50% aralyǵynda qysqarǵan.
Sarapshylar muny geosaıası táýekeldermen, shekteýlerdіń kúsheıýіmen jáne rýblge degen senіmnіń álsіreýіmen túsіndіredі.
Qyrkúıekte rýbl baǵamy 6,53 teńge bolyp, jyl basynan berі 26,6%-ǵa óskenіne qaramastan, ol Qazaqstanda tek Reseımen ózara esep aıyrysý kezіnde ǵana qoldanyla bastady. Ishkі naryqtaǵy suranys tómendep barady.
Taldaýshylardyń deregіnshe, jaz aılarynda aıyrbastaý pýnktterі reseılіk týrısterden rýbldі kóptep qabyldaǵan, bіraq ony satyp alýǵa qazaqstandyqtar tarapynan suranys bolmaǵan.
Material avtory
