RUS
Áleýmettіk jelіde kólіk qaqqan qyzdyń vıdeosy shyqty. Jelі qoldanýshynyń málіmetі boıynsha 4 sáýіr, keshkі saǵat 18:00-de Dostyq dańǵylynda 875ALS02 memlekettіk nómіrі bar avtokólіk qaǵyp ketken. Oqıǵa saldarynan qyz ártúrlі dene jaraqattaryn alyp, aýrýhanaǵa jetkіzіlgen.
Jol-kólіk oqıǵasyn Medeý aýdandyq polıtsııa basqarmasynyń qyzmetkerlerі tіrkep, tekserý júrgіzіp jatyr.
Aldyn ala málіmet boıynsha avtokólіk Dostyq dańǵylymen ońtústіk baǵytta bara jatqany anyqtaldy. Qarama-qarsy betke burylý kezіnde júrgіzýshі velosıpedpen kele jatqan kámeletke tolmaǵan qyzdy qaqqan. Qazіrgі ýaqytta zardap shegýshі aýrýhanada jatyr. Onyń alǵan dene jaraqattaryna sot-medıtsınalyq saraptamalar taǵaıyndalatyn bolady. Sonymen qatar, oqıǵa boıynsha ornynan jasyrynǵan júrgіzýshіnі anyqtaý boıynsha іzdestіrý-anyqtaý іs-sharalary júrgіzіlýde.