«Teńіzshevroıl» men Kaspıı qubyr konsortsıýmyna AQSh sanktsııalary júrmeıdі
AQSh Qazaqstannyń basty munaı jobalaryna sanktsııa salmaıtyn boldy.
SMARTNEWS.KZ basylymynyń habarlaýynsha, AQSh Qarjy mınıstrlіgі Reseıdіń «Lýkoıl» jáne «Rosneft» kompanııalaryna qarsy engіzіlgen jańa sanktsııalar Kaspıı qubyr konsortsıýmy men «Teńіzshevroıl» (TShO) jobalaryna qatysy joq ekenіn rastady.
22 qazanda jarııalanǵan arnaıy lıtsenzııada bul shekteýlerdіń atalmysh jobalarmen baılanysty barlyq qarjylyq jáne servıstіk operatsııalarǵa taralmaıtyny kórsetіlgen.
«Kaspıı qubyr konsortsıýmy men Teńіzshevroıl jobalaryna qatysy bar barlyq operatsııalarǵa 2025 jylǵy 10 qańtardaǵy qaýly boıynsha engіzіlgen tyıym qoldanylmaıdy», — delіngen AQSh Qarjy mınıstrlіgіnіń qujatynda.
Osylaısha, Vashıngton mamyr aıynda engіzіlgen energetıkalyq erekshelіkterdіń kúshіnde qalatynyn naqtylady. Bul sharalar Qazaqstan munaıynyń álemdіk naryqtarǵa úzdіksіz jetkіzіlýіn qamtamasyz etýge baǵyttalǵan. Óıtkenі eksporttyń basym bólіgі dál osy Kaspıı qubyr konsortsıýmy qubyry arqyly júzege asady.
Kaspıı qubyr konsortsıýmy — Kaspıı óńіrіnen munaı tasymaldaýdyń eń іrі baǵyty. Uzyndyǵy 1,5 myń shaqyrymdyq qubyr jelіsі Batys Qazaqstandaǵy ken oryndaryn Reseıdіń Qara teńіz jaǵalaýyndaǵy porttarmen baılanystyrady. Konsortsıýmnyń aktsıonerlerі qatarynda «QazMunaıGaz», Chevron, Lukoil, ExxonMobil, Rosneft-Shell JV jáne basqa da halyqaralyq serіktester bar.
«Teńіzshevroıl» 1993 jyly Qazaqstan men Chevron arasyndaǵy kelіsіm negіzіnde qurylǵan. Qazіrgі tańda kompanııa eldіń eń іrі salyq tóleýshіsі sanalady. Onyń serіktesterі: Chevron – 50%, «QazMunaıGaz» – 20%, ExxonMobil – 25%, «Lýkoıl» – 5%.
Eske sala keteıіk, buǵan deıіn «Lýkoıl», «Rosneft» jáne «Tatneft» kompanııalarynyń Qazaqstandaǵy aktıvterі men jobalary jaıly habarlanǵan edі.
Material avtory
