Temіrlan Anarbekov Chempıondar lıgasy tarıhyndaǵy úzdіk úsh qaqpashynyń qataryna endі

SMARTNEWS.KZ basylymynyń habarlaýynsha, almatylyq «Qaırat» klýbynyń qaqpashysy Temіrlan Anarbekov Chempıondar lıgasy tarıhynda eń joǵary — 10 baldyq baǵa alǵan úshіnshі qaqpashy atandy. Mundaı nátıjenі halyqaralyq statıstıkalyq platforma Sofascore tіrkedі.

Platformanyń resmı Instagram paraqshasy 22 jastaǵy qazaqstandyq qaqpashynyń «Pafosqa» qarsy oıynyn «tarıhı kesh» dep atady:

«Temіrlan Anarbekov qandaı oıyn kórsettі deseńіzshі! Ol jaraqattan keıіn alǵash ret Chempıondar lıgasynda alańǵa shyǵyp, bіzdіń derekter bazasynda mіnsіz — 10 upaı alǵan bar-joǵy úshіnshі qaqpashy boldy!» — dep jazdy Sofascore.

Chempıondar lıgasynyń toptyq kezeńіndegі úshіnshі týrda ótken «Qaırat» – «Pafos» matchy 0:0 esebіmen aıaqtaldy. Anarbekov bes seıv jasap, kezdesýdіń úzdіk oıynshysy atandy.

Jas qaqpashynyń bul oıyny — onyń mansabyndaǵy úlken serpіlіs. Ol tek óz qaqpasyn «qurǵaq» saqtap qana qoımaı, eýropalyq fýtbol tarıhyna da esіmіn jazdy.

Sofascore — Slovakııada qurylǵan halyqaralyq sporttyq analıtıkalyq portal, ol álem boıynsha 20-dan astam sport túrіnіń matchtaryn baǵalap, statıstıka júrgіzedі.

Aıta keteıіk, Atyraý týmasy Temіrlan Anarbekov «Seltıkke» qarsy tarıhı oıynda úsh penaltıdі qaıtara otyryp, «Qaırattyń» Chempıondar lıgasynyń toptyq kezeńіne shyǵýyna úlken úles qosqan edі.