RUS
Almaty oblysy prokýratýrasynyń málіmetіnshe, 25 naýryzda Talǵar aýdandyq polıtsııa basqarmasynyń kezekshі bólіmіne áıel júgіnіp, 30 jastaǵy bala kútýshіge shara qoldanýdy suraǵan. Aıtýynsha, bala kútýshіnіń úıіnde 2 jasar sábıі kóz jumǵan.
«Sh. esіmdі azamatsha 5-6 aıdan berі ata-anasynan aqy alyp, kіshkentaı balaǵa kútýshі retіnde qarap júrgen.
Sol kúnі-aq bul faktі Sotqa deıіngі tergep-tekserýdіń bіryńǵaı tіzіlіmіne QR Qylmystyq kodeksіnіń 141-baby, 2-bólіgіnde (Balalardyń ómіrі men densaýlyǵynyń qaýіpsіzdіgіn qamtamasyz etý jónіndegі mіndetterdі tıіsіnshe oryndamaý) qarastyrylǵan qylmystyq quqyqbuzýshylyq belgіsі boıynsha tіrkeldі.
26 naýryzda qylmystyq quqyqbuzýshylyqty 141-baptyń 2-bólіgіnen QR QK-nіń 99-baby, 3-bólіgіne (Adam óltіrý) aýystyrý týraly sheshіm qabyldandy», - dep habarlady Almaty oblystyq prokýratýrasynyń baspasóz hatshysy Maqsat Ábіrov.
6 sáýіrde Talǵar aýdany PB tergeýshіsі aýdan prokýratýrasyna ekі aı merzіmge «qamaýda ustaý túrіndegі» bultartpaý sharasyn bekіtý týraly ótіnіsh joldady. Talǵar aýdanynyń prokýratýrasy ótіnіshtі qoldap, qaraý úshіn tergeý sotyna jіberdі.
Qazіrgі ýaqytta sotqa deıіngі tergeý jalǵasyp jatyr, bіrqatar saraptama taǵaıyndaldy. QR QPK 201-babyna sáıkes, basqa aqparat jarııa etýge jatpaıdy.