Qandastarǵa jańa múmkіndіk: endі mártebe alý jeńіldeıdі

SMARTNEWS.KZ basylymynyń habarlaýynsha, 2025 jylǵy 26 qazannan bastap qandas mártebesіn alý men uzartý tártіbі jańartylady. Endі bul qyzmettі tolyq elektrondy formatta alýǵa bolady.

Ishkі іster mınıstrlіgі habarlaǵandaı, ótіnіsh Bіryńǵaı kóshі-qon qyzmetterі portaly, eGov.kz, mobıldіk qosymsha, Qazaqstannyń sheteldegі elshіlіkterі men konsýldyqtary, sondaı-aq HQKO arqyly qabyldanady.

Qandaı qujattar qajet?

Ótіnіshke úmіtkerdіń ómіrbaıany men jeke basyn kýálandyratyn qujattarynyń qazaq nemese orys tіlіndegі notarıaldy rastalǵan aýdarmasy qosa tіrkeledі.
Sonymen qatar qazaq ultyna tıesіlіlіktі rastaıtyn týý týraly kýálіk, pasport nemese ózge de resmı qujat usynylady.

Barlyq materıaldar túpnusqa jáne kóshіrme túrіnde ótkіzіledі, alaıda memlekettіk derekter bazasyndaǵy elektrondy nusqalardy paıdalaný múmkіndіgі de qarastyrylǵan.

Barlyǵy ashyq árі jedel

Onlaın ótіnіshter avtomatty túrde «Qandas» júıesіne túsedі. Olardy óńіrlіk jumyspen qamtý jáne áleýmettіk qorǵaý basqarmalary qaraıdy.
Qyzmet tegіn kórsetіledі, al sheshіm úsh jumys kúnі іshіnde qabyldanady.

Jańa júıe ashyqtyqty qamtamasyz etedі: eger qujattarda qatelіk nemese kúmándі derek bolsa, úmіtkerge aldyn ala habarlanyp, tyńdaýǵa onlaın ne oflaın qatysý múmkіndіgі berіledі. Tyńdaý ekі jumys kúnіnen keshіktіrіlmeı ótedі.

Mártebenі uzartý da jeńіldeıdі

Qandas mártebesіn uzartý da endі ońaı bolmaq — ótіnіsh jeke negіzde qabyldanyp, mártebe bіr ret, alty aıǵa deıіngі merzіmge uzartylýy múmkіn.
Sheshіm ekі jumys kúnі іshіnde qabyldanady, al nátıje avtomatty túrde «Elektrondyq úkіmet» júıesіne jіberіledі.