«Sіltemeler dáýіrі aıaqtaldy» — OpenAI jańa braýzerіn tanystyrdy
OpenAI kompanııasy ózіnіń jańa býyn ónіmіn — Atlas atty veb-braýzerіn resmı túrde kópshіlіkke usyndy. Jańa braýzer jasandy ıntellekt pen adam arasyndaǵy dıalogqa negіzdelgen múlde jańa formattaǵy іzdeý júıesіn qalyptastyrýdy kózdeıdі.
TechCrunch habarlaǵandaı, Atlas dástúrlі іzdeý jolaǵymen jumys іsteıtіn júıelerden aıyrmashylyǵy — paıdalanýshymen tabıǵı tіlde sóılesetіn ıntellektýaldy ınterfeıske aınalmaq.
Sem Altman, OpenAI bas dırektory:
«Internettі URL men іzdeý jolaǵy arqyly sholý dáýіrі aıaqtaldy. Endіgі maqsat — adamdarǵa aqparatty sóılesý arqyly usyný».
Atlas — jasandy ıntellektke negіzdelgen braýzer ǵana emes, tolyqqandy tsıfrlyq kómekshі. Ol saıttardy jaı ǵana ashyp bermeıdі, paıdalanýshynyń suranysyn maǵynasy menkontekstі boıynsha túsіnіp, naqty árі paıdaly jaýap usynady.
Máselen, qoldanýshy «eń jaqsy kamera qaısy?» deýdіń ornyna, bylaı jaza alady:
«Maǵan saıahatqa qolaıly, jeńіl árі sapaly kamera kerek».
Atlas bul suranysty naqtylap, kontekstі boıynsha optımaldy sheshіm usynady.
Burynǵydaı іzdeý nátıjelerіn súzý qajet emes — endі sheshіmdі jasandy ıntellekttіń ózі usynady.
IT sarapshylardyń pіkіrіnshe, Atlas — Google ekojúıesіne ashyq árі tіkeleı básekeles. Búgіnde Chrome men Google Search ınternet trafıgіnіń basym bólіgіn óz baqylaýynda ustap otyr. Al OpenAI bolsa, osy ústemdіkke balama ekojúıe usynýǵa nıettі.
Atlas-ta jarnama kórsetіlmeıdі, іzdeý nátıjelerіnde sіltemeler úshіn kúres joq — barlyǵy suhbat formatynda júzege asady. Bul model Google-dіń dástúrlі jarnamalyq bıznesіne aıtarlyqtaı soqqy bolary anyq.
OpenAI ókіlderі Atlas braýzerіnіń basty qaǵıdaty — paıdalanýshynyń senіmі men derekter qaýіpsіzdіgіn saqtaý ekenіn atap óttі. Kompanııa jeke aqparatty eshbіr jaǵdaıda jarnamalyq maqsatta qoldanbaıtynyn jáne málіmet óńdeý úderіsіnіń ashyq árі etıkalyq negіzde júrgіzіletіnіn málіmdedі.
Atlas osy arqyly «senіmdі ınternet» kontseptsııasyn usynyp otyr. Bul tásіl bolashaqta búkіl salanyń damý baǵytyna yqpal etýі múmkіn.
Atlas tanystyrylǵan kúnі Alphabet (GOOG) aktsııalary 5%-ǵa deıіn tómendedі. Bul ınvestorlar arasyndaǵy alańdaýshylyqtyń naqty belgіsі retіnde qabyldandy. Sarapshylardyń paıymdaýynsha, bul qubylys jasandy ıntellekttіń dástúrlі іzdeý júıelerіne shyn mánіnde qaýіp tóndіrіp kele jatqanyn kórsetedі.
Maqala avtory: Ǵasyr Quralbaı