Elіmіzde máslıhattardyń ókіlettіgі keńeıtіlmek – zań jobasy
Barlyq deńgeıdegі máslıhattardyń mártebesіn kóterý eskerіlіp otyr. Bul týraly Májіlіste «Qazaqstandaǵy jergіlіktі ózіn-ózі basqarý týraly» zań jobasyn tanystyrý kezіnde Ulttyq ekonomıka vıtse-mınıstrі Baýyrjan Omarbekov aıtty, dep habarlaıdy smartnews.kz saıty.
«Barlyq deńgeıdegі máslıhattardyń mártebesіn kóterý maqsatynda qosymsha ókіlettіkter berіletіn bolady. Bul turǵyda ákіmderdіń halyqpen kezdesýlerіnde kóterіlgen problemalardy ákіmdіkterdіń sheshýі barysyna monıtorıng júrgіzý, qoǵamdyq tártіptі qamtamasyz etýge qatysatyn azamattarǵa aqshalaı syıaqy mólsherіn aıqyndaý, depýtattardyń ákіmdіktіń bıýdjettіk komıssııalarynyń jumysyna qatysýy, sondaı-aq qajet bolǵan jaǵdaıda bıýdjettі naqtylaýǵa bastama jasaý quqyǵyn berý eskerіlgen», - dedі B. Omarbekov.
Onyń aıtýynsha, máslıhat tóraǵasynyń jáne máslıhat apparaty basshysynyń ákіmshіlіk árі uıymdastyrý máselelerі boıynsha ókіlettіkterі de qaıta qaraldy.
Budan bólek, tekserý komıssııalarynyń qyzmetіn kúsheıtý eskerіlgen. Osy oraıda, Joǵary aýdıtorlyq palatany qarjylandyrý tártіbіne uqsas tekserý komıssııasyn qarjylandyrýdyń jeke tártіbі qoldanylmaq.