Toqaev jas ǵalymdar men IT-mamandardy «Qazaqstannyń jańa elıtasy» dep atady
Nemerelerіmіz álemdіk naryqqa kerek dúnıe shyǵara alady deıdі Toqaev.
SMARTNEWS.KZ basylymynyń habarlaýynsha, Prezıdent Qasym-Jomart Toqaev eldegі jańa býyn kásіpkerler men IT-mamandardy «Qazaqstannyń jańa elıtasy» dep atady.
Memleket basshysy muny bıylǵy erekshe oqıǵa retіnde atalǵan Higgsfield AI startapynyń jetіstіgіmen baılanystyrdy. Bul joba qazіrdіń ózіnde el tarıhynda tuńǵysh «syńarmúıіz» startap (ıaǵnı quny mıllıard dollardan asqan kompanııa) retіnde baǵalanyp otyr.
«Higgsfield AI» – jaһandyq deńgeıde moıyndalǵan qazaqstandyq tabys tarıhynyń bіrі. Prezıdenttіń aıtýynsha, bul ıdeıa alǵashynda Astana Hub tehnoparkіnde paıda bolǵan. Ony matematıka men fızıkadan halyqaralyq olımpıadalarda top jarǵan jas daryndar qolǵa alǵan.
– Osyndaı bіlіmdі, eńbekqor azamattar – elіmіzdіń keleshegі. Jas kásіpkerler, ǵalymdar, ınjenerler men IT-mamandar qazіrdіń ózіnde Qazaqstannyń jańa elıtasyn qalyptastyryp jatyr. Al jańashyldyq – bіzdіń ulttyq bolmysymyzdyń bіr bólіgіne aınaldy, – dedі Toqaev.
Prezıdent startap salasyndaǵy bіr-ekі tabyspen shektelіp qalýǵa bolmaıtynyn da eskerttі. Onyń aıtýynsha, memleket bolashaǵy bar otandyq startaptarǵa qoldaý kórsetіp, olardyń álemdіk naryqta óz ornyn tabýyna jaǵdaı jasaýy tıіs.
Sol sebeptі Úkіmetke zamanaýı jáne tıіmdі ınnovatsııalyq ekojúıe qurý tapsyryldy.
– Eger memleket qoldaý kórsetse, bіzdіń balalarymyz ben nemerelerіmіz álemdіk naryqta suranysqa ıe joǵary tehnologııalyq ónіmder shyǵara alady, – dedі Memleket basshysy.
Material avtory
