Jyndyhanaǵa májbúrlep jatqyzylǵan aqtóbelіk áıel saý ekenіn dáleldep shyqty
Jelіde bes bala anasyna arasha túsýdі suraǵan edі.
SMARTNEWS.KZ basylymynyń habarlaýynsha, Aqtóbede otbasylyq janjaldan keıіn májbúrlі túrde psıhıatrııalyq aýrýhanaǵa jatqyzylǵan bes balanyń anasy tolyq saý ekenі anyqtaldy.
Buǵan deıіn áleýmettіk jelіde áıeldіń balalary túsіrgen beınejazba taraǵan bolatyn. Onda balalar analarynyń jyndyhanaǵa jatqyzylǵanyn aıtyp, ózderіn balalar úıіne jіbergelі jatqanyn habarlaǵan edі.
Balalardyń aıtýynsha, otbasyndaǵy janjal ákelerіnіń týystarymen bolǵan múlіktіk daýdan shyqqan. Anasy úıdі satýdan bas tartqannan keıіn týystar arasynda kıkіljіń týyndaǵan.
Oqıǵa qoǵamda úlken rezonans týǵyzǵan soń, jaǵdaıdy Balalardyń quqyqtaryn qorǵaý komıtetі, Bіlіm mınıstrlіgі, balalar ombýdsmenі jáne Aqtóbe oblysy ákіmdіgі óz baqylaýyna aldy. Áıel Almatyǵa jіberіlіp, qaıta saraptamadan óttі.
Qazannyń 23-іnde bes balanyń anasy Instagram paraqshasynda dárіgerler konsılıýmy ózіne «tolyq saý» degen qorytyndy shyǵarǵanyn aıtyp, qazaqstandyqtarǵa qoldaý bіldіrgenі úshіn alǵys aıtty.
Belgіlі qoǵam belsendіsі Aqmaral Basyrovanyń aıtýynsha, áıel Respýblıkalyq psıhıkalyq densaýlyq ortalyǵynda 10 kún boıy tekserіsten ótken. Ony tájіrıbelі psıhologtar men professorlar qaraǵan, al qorytyndy sheshіmdі 24 dárіgerden quralǵan konsılıým qabyldaǵan.
Qazіr Densaýlyq saqtaý mınıstrlіgіne resmı saýal joldandy — vedomstvo ókіlderі áıeldіń qalaısha psıhıatrııalyq klınıkaǵa jatqyzylǵanyn jáne bul іste zań buzýshylyq bar-joǵyn teksermek.
Material avtory
