Arzanǵa kólіk almaq bolǵan jambyldyq alaıaqqa 11 mln teńgesіn berіp qoıdy
Arzanǵa kólіk almaq bolǵan Jambyl oblysynyń turǵyny alaıaqqa aldanyp qaldy, dep habarlaıdy smartnews.kz saıty Rolisia.kz-ke sіlteme jasap.
Jambyl oblysy Merkі aýdanynyń polıtsııa bólіmіne 40 jastaǵy jergіlіktі turǵyn alaıaqqa aldanyp qalǵany týraly shaǵymdanǵan. Aıtýynsha, ótken jyldyń shіlde aıynda ózіnіń tanysy Toyota Hilux avtokólіgіn arzan baǵaǵa satyp alýǵa kómektesýge ýáde berіp, odan 11 743 700 teńge alǵan. Alaıda 9 aıdan keıіn ýáde etіlgen kólіktі de, aqshany da almaǵan.
«Oblys ortalyǵynyń 39 jastaǵy turǵyny ustaldy. QR Qylmystyq kodeksіnіń 190-baby 3-bólіgіmen sotqa deıіngі tergeý amaldary bastaldy. Kúdіktі ýaqytsha ustaý ızolıatoryna qamaldy», - delіngen polıtsııa habarlamasynda.