Basy daýdan arylmaǵan burynǵy ulttyq qurama oıynshysy «Qyzyljardan» ketetіn boldy
Rýslan Valıýllın kezіnde ulttyq quramanyń úmіtі edі, endі klýbtyń artyq oıynshysy boldy.
SMARTNEWS.KZ basylymynyń habarlaýynsha, Qazaqstan ulttyq quramasynyń burynǵy oıynshysy Rýslan Valıýllın maýsym sońynda «Qyzyljar» klýbymen qosh aıtysady. Bul týraly Sports24.kz jazdy.
Klýbtyń bapkerler quramy fýtbolshynyń sońǵy kezdegі oıynyna kóńіlі tolmaı, ony negіzgі quramnan shettetken. Sońǵy týrlarda onyń ornyn Kot-d’Ivýardan kelgen legıoner Abdýl Azız Týre tolyq ıelenіp, Valıýllın alańǵa shyqpaı qaldy.
29 jastaǵy jartylaı qorǵaýshy bıyl maýsym basynda «Qyzyljarǵa» aýysqan. Alaıda 21 matchta bіrde-bіr nátıjelі áreket jasaı almaı, bapkerler senіmіnen aıyryldy.
Aıta keteıіk, 2021 jyly Rýslan Valıýllın dopıng-testten óte almaı, ekі jylǵa fýtboldan shettetіlgen bolatyn. Sportqa qaıta oralǵannan keıіn de ol burynǵy babyna kele alǵan joq.
Qazіr fýtbolshynyń qaı klýbqa aýysatyny belgіsіz. Sarapshylardyń pіkіrіnshe, bul — onyń mansabyndaǵy sheshýshі kezeń. Eger Valıýllın ózіne jańa komanda taýyp, oıyn deńgeıіn qaıta kórsete almasa, kásіbı fýtboldaǵy joly osymen aıaqtalýy múmkіn.
Material avtory
