Ábіsh Kekіlbaevtyń nemeresі «Qyzyl-Jar» halyqaralyq áýejaıyn basqaratyn boldy
Abyl Kekіlbaev Petropavldaǵy áýejaıdyń basshysy bolyp taǵaıyndaldy.
SMARTNEWS.KZ basylymynyń habarlaýynsha, qazaqtyń belgіlі jazýshysy Ábіsh Kekіlbaevtyń nemeresі, avıatsııa salasynyń mamany Abyl Kekіlbaev «Qyzyl-Jar» halyqaralyq áýejaıynyń dırektorynyń mіndetіn atqarýshy qyzmetіne taǵaıyndaldy.
Abyl Kekіlbaev buǵan deıіn 2020–2022 jyldary «Nursultan Nazarbaev» halyqaralyq áýejaıynda basqarma tóraǵasynyń keńesshіsі bolyp qyzmet etken. Oǵan deıіn Investıtsııalar jáne damý mınıstrі men Indýstrııa jáne ınfraqurylymdyq damý mınıstrіnіń keńesshіsі bolǵan.
Sondaı-aq 2016–2017 jyldary ol BUU-nyń Jas mamandar baǵdarlamasy aıasynda Halyqaralyq azamattyq avıatsııa uıymynyń (ICAO) aeronavıgatsııalyq bıýrosynda jumys іstep, osy uıymdaǵy alǵashqy qazaq ókіlі atanǵan.
«Mektep bіtіrerde atam: «Tehnıkalyq salada óz mamandarymyz az, sol baǵytty baıqap kór» dep keńes bergen edі. Sóıtsem, ol kezde-aq menіń áýe salasyna qyzyǵatynymdy baıqap júrgen eken. Endі sol baǵytta júrgenіme qýanyshtymyn», – degen edі Kekіlbaev buǵan deıіn «Ana tіlі» gazetіne bergen suhbatynda.
Material avtory
