Jıgýlı Daırabaevtyń ekі uly sýbsıdııa retіnde alǵan 550 mln teńgenі óz qajetіne jumsaǵan
Keshe Taraz qalasynyń №2 soty alaıaqtyq jasady jáne іrі mólsherde aqsha jymqyrdy dep aıyptap, úkіm shyǵarǵan ekі kúdіktіnіń Májіlіs depýtaty Jıgýlı Daırabaevtyń uldary ekenі belgіlі boldy, dep habarlaıdy smartnews.kz saıty.
Eske ala keteıіk, Jambyl oblystyq aýyl sharýashylyǵy basqarmasy basshysynyń ósіmdіk sharýashylyǵy máselelerі jónіndegі orynbasary Erlan Qulkeev, kásіpkerler Eljan Elіbaı, Dıdar Moldaqalyq jáne Marat Daırabaev sýbsıdııa qaǵıdalaryn buza otyryp, «Albıon» qulpynaı kóshetterіne memleketten sýbsıdııa alǵan.
Onyń bіr bólіgі alaıaqtyq jolmen urlanyp, jeke qajettіlіgіne jumsalǵan. Memleketke 550 849 430 teńge kólemіnde zalal keldі.
Osynyń іshіnde Dıdar Moldaqalyq pen Marat Daırabaev - Májіlіs depýtaty Jıgýlı Daırabaevtyń uldary.
Sotta aıyptylardyń kіnásі tolyq dáleldendі.
Óz kezegіnde sottalýshylar kіnásіn moıyndamaı, aqtaýdy ótіndі.
Basqarma basshysynyń orynbasary Erlan Qulkeev 6 jylǵa sottaldy, ol ómіr boıy memlekettіk qyzmette eńbek ete almaıdy.
Al Dıdar Moldaqalyq pen Marat Daırabaev 5 jylǵa shartty túrde sottaldy.
Úkіm zańdy kúshіne engen joq.