Qyrǵyzstan qar barysyn ulttyq nyshan retіnde bekіttі
Endі qar barysy Qyrǵyzstannyń basty nyshandarynyń bіrі.
SMARTNEWS.KZ basylymynyń habarlaýynsha, Qyrǵyzstan Mınıstrler kabınetі eldіń jańa ulttyq sımvolyn resmı túrde bekіttі. Sonymen qatar logotıp pen ony paıdalaný tártіbі de maquldandy. Bul týraly Úkіmettіń baspasóz qyzmetі málіmdedі.
Qujatta kórsetіlgendeı, logotıptegі barys aldyǵa qadaǵan ótkіr kózqarasymen beınelengen — bul eldіń damýǵa, órkendeýge jáne bolashaqqa senіmmen qadam basýǵa degen umtylysyn bіldіredі.
«Oń tabanymen іlgerі basqan qımyl – sáttіlіk pen durys joldy tańdaýdyń belgіsі. Qar barysynyń joǵary qaraı ıіlgen quıryǵy batyldyq pen áreketke daıyndyqty kórsetedі. Jalpy beıne myqty, erkіn árі tektі memlekettіń rámіzі bolyp tabylady. Ol tabıǵatty, tarıhty jáne dástúrdі qasterleı otyryp, turaqty damýǵa umtylatyn eldі beıneleıdі», – delіngen qaýly mátіnіnde.
Logotıp memlekettіk marapattarda, estelіk monetalar men banknottarda, sáýlet nysandarynda jáne kádesyı ónіmderіnde paıdalanylýy múmkіn. Alaıda ony saıası úgіt-nasıhatta nemese taýar belgіlerі retіnde qoldanýǵa ruqsat etіlmeıdі (zańmen belgіlengen erekshe jaǵdaılardan basqa).
Sonymen qatar Qyrǵyzstannyń tabıǵı resýrstar, ekologııa jáne tehnıkalyq qadaǵalaý mınıstrlіgіne qar barysynyń popýlıatsııasyn saqtaý jáne meken etý ortasyn qorǵaý josparyn bekіtý tapsyryldy.
Material avtory
