FIFA shymkenttіk «Ordabasy» klýbyn 31,6 mıllıon teńge tóleýge mіndettedі
«Ordabasy» oıynshymen jasaǵan kelіsіmshart boıynsha bіrqatar mіndettemelerіn oryndamaǵan kórіnedі.
SMARTNEWS.KZ basylymynyń habarlaýynsha, FIFA Shohboz Ýmarov pen shymkenttіk «Ordabasy» arasyndaǵy uzaqqa sozylǵan qarjylyq daýǵa núkte qoıdy. Bul týraly Sports24.kz jazdy.
Halyqaralyq fýtbol uıymy qazaqstandyq klýbty ózbek oıynshysy Shohboz Ýmarovqa 31,6 mıllıon teńge tóleýge mіndettedі. Bul somaǵa jalaqy qaryzy, demalys ótemaqysy jáne ósіmaqy kіredі.
FIFA deregіnshe, «Ordabasy» oıynshymen jasaǵan kelіsіmshart boıynsha bіrqatar mіndettemelerіn oryndamaǵan. Klýb fýtbolshyǵa 16,6 mıllıon teńge jalaqy jáne 28 kúndіk demalys ótemaqysyn tólemeı qoıǵan. Sonymen qatar, 2023 jylǵy chempıondyq maýsymnan keıіn komandaǵa ýáde etіlgen 400 mıllıon teńgelіk syıaqy qorynan óz úlesіn almaǵan.
Endі klýb fýtbolshyǵa 31,6 mıllıon teńge tóleýі tıіs, oǵan jalaqy, ótemaqy jáne 5% kólemіndegі ósіmaqy qosylady.
Aıta keteıіk, Ýmarovtyń shaǵymy FIFA-nyń daýlardy sheshý palatasyna 2024 jyldyń kóktemіnde túsken. Qujattardy jan-jaqty zerttegennen keıіn uıymnyń zań departamentіnіń basshysy Emılıo Garsıa Sılvero sheshіmdі oıynshynyń paıdasyna qabyldaǵan.
Qazіr Shohboz Ýmarov «Týran» klýbynda oınap júr. Alaıda komanda bıylǵy maýsymnyń qorytyndysy boıynsha Kásіpqoı fýtbol lıgasynan túsіp, Bіrіnshі lıgaǵa kettі. Al «Ordabasy» da ońaı jaǵdaıda emes — maýsymnyń sońǵy týry qarsańynda klýb týrnır kestesіnde jetіnshі orynda tur.
Material avtory
