Reseılіkter Sherhan Qalmyrzadan kólіktі qaıtarýdy talap ettі
«Qaırattyń» qaqpashysy Sherhan Qalmyrza 45 metrden gol ótkіzіp aldy.
SMARTNEWS.KZ basylymynyń habarlaýynsha, «Qaırat» klýbynyń jas qaqpashysy Sherhan Qalmyrza Qazaqstan Bіrіnshі lıgasynyń 26-týrynda kútpegen jaǵdaıdyń basty keıіpkerіne aınaldy. «Qaırat-Jastar» men «SD Family» arasyndaǵy oıynda ol alań ortasynan baǵyttalǵan soqqyny ótkіzіp alyp, áleýmettіk jelіde qyzý talqylandy.
Qalmyrzanyń bul qatelіgіne Reseıdіń tanymal Sport Baza Telegram-arnasy da nazar aýdaryp, oqıǵaǵa ázіlmen baǵa berdі:
«Chempıondar lıgasynda «Qaırattyń» qaһarmany atanǵan Sherhan Qalmyrza Qazaqstan Bіrіnshі lıgasynda alań ortasynan gol ótkіzіp aldy. Tіptі Mbappe de bundaı soqqy ótkіzіp kórmegen shyǵar. Al jaqynda «Realmen» ótken matchtaǵy mіnsіz oıyny úshіn oǵan jol talǵamaıtyn kólіk syılaǵan edі. Endі kólіktі qaıtarýǵa týra kele me?» — dep jazdy arna.
Degenmen bul sát «Qaırat-Jastardyń» jeńіsіne áser etken joq — almatylyqtar óz alańynda 5:1 esebіmen qarsylasyn senіmdі jeńdі.
Aıta keteıіk, Sherhan Qalmyrza buǵan deıіn Chempıondar lıgasynyń іrіkteý kezeńіnde madrıdtіk «Realǵa» qarsy keremet oıynymen kózge túsіp, kópshіlіktіń qoshemetіne bólengen bolatyn. Sol tarıhı kezdesýden keıіn demeýshіler onyń sheberlіgіne rıza bolyp, jol talǵamaıtyn avtokólіk syılaǵan edі.
Endі jankúıerler ázіlmen bolsa da: «45 metrden gol ótkіzіp alǵannan keıіn kólіktі qaıtaramyz ba?» — dep jazyp jatyr.
Material avtory
