Qutqarýshylar 48 jastan bastap zeınetke shyǵýǵa múmkіndіk alady
Premer-Mınıstrі Álıhan Smaıylov Senat depýtattarynyń saýalyna bergen jaýabynda qutqarýshylardyń zeınet jasy tómendeıtіnіn málіm ettі, dep habarlaıdy smartnews.kz saıty.
«Qutqarýshylardyń zeınet jasyna kelsek, qazіrgі tańda Tótenshe jaǵdaılar mınıstrlіgі múddelі memlekettіk organdarmen bіrge qutqarýshylardy azamattyq qyzmetshіler sanatynan azamattyq qorǵanys sanatyna ótkіzý máselesіn pysyqtap jatyr» delіngen jaýapta.
Aıtýynsha, osynyń arqasynda qutqarýshylardyń zeınetke shyǵý jasy qysqarmaq.
«Atalǵan ózgerіs qutqarýshylardy áleýmettіk kepіldendіrý sharalaryn jetіldіredі. Onyń іshіnde eńbek ótіlі boıynsha (25 jyl) nemese shektі jasqa (48 jas) jetýіne baılanysty zeınetke shyǵýǵa quqyq beredі. Sondaı-aq, quqyq qorǵaý organy qyzmetkerlerіne berіletіn ózge de jeńіldіkter usynylady», - dep jazady Premer-Mınıstr.