Reseı taǵy da Kıevke soqqy jasady: úsh adam qaza tapty
Qalada 30-dan astam turǵyn jaralanǵan.
SMARTNEWS.KZ basylymynyń habarlaýynsha, Reseı áskerlerі Kıevke qatarynan ekіnshі túnde áýe shabýylyn jasady. Ýkraına astanasynyń merі Vıtalıı Klıchkonyń málіmetіnshe, úsh adam qaza taýyp, 30-dan astamy jaralandy, olardyń arasynda alty bala bar. Eń kіshkentaıy – nebárі 6 jasta.
Klıchko Telegram-arnada jazǵandaı, jaralanǵandardyń jeteýі, onyń іshіnde ekі bala aýrýhanaǵa jetkіzіlgen.
Kıev qalalyq áskerı ákіmshіlіgіnіń basshysy Tımýr Tkachenko da shabýyl saldarynan 31 adamnyń zardap shekkenіn rastady.
Ýkraınanyń Tótenshe jaǵdaılar qyzmetі habarlaǵandaı, Desnıan aýdanynda dron synyqtary qulaǵannan keıіn bіrneshe órt shyqqan. Bіr 9 qabatty turǵyn úıdіń joǵarǵy qabattary otqa oranyp, 13 adam qutqarylǵan. Sonymen qatar 16 qabatty ǵımarattyń bіrіnshі men toǵyzynshy qabattarynyń terezelerі synǵan.
Shabýyldyń saldaryn joıýǵa 100-den astam qutqarýshy men 20-dan asa tehnıka jumyldyrylǵan.
Buǵan deıіn, ıaǵnı bіr kún buryn, Kıevke jasalǵan reseılіk áýe soqqylarynan ekі adam qaza taýyp, on ekі adam jaraqat alǵan bolatyn.
Material avtory
