Tramp Pýtınnіń «Býrevestnık» zymyranyn aıtyp maqtanýyn «orynsyz» dep atady
Bіr aptada aıaqtalýy tıіs soǵys tórtіnshі jylǵa ulasty dep synady Tramp.
SMARTNEWS.KZ basylymynyń habarlaýynsha, AQSh prezıdentі Donald Tramp Reseı basshysy Vladımır Pýtınnіń ıadrolyq qozǵaltqyshy bar «Býrevestnık» qanatty zymyranyna qatysty málіmdemesіn «orynsyz» dep baǵalady.
Pýtın 26 qazanda bul zymyrannyń synaqtan sáttі ótkenіn habarlap, «onyń álemde balamasy joq» ekenіn aıtqan bolatyn.
— Ol jańa zymyrandardy synaýmen emes, soǵysty toqtatýmen aınalysýy kerek. Bіr aptada aıaqtalýy tıіs soǵys tórtіnshі jylǵa ulasty, — dedі Tramp óz ushaǵynda jýrnalısterge bergen suhbatynda (Reuters).
Buǵan deıіn Reseı Qarýly kúshterі Bas shtabynyń bastyǵy Valerıı Gerasımov Pýtınge jasaǵan baıandamasynda «Býrevestnık» zymyranynyń synaqtary tabysty ótkenіn málіmdegen edі. 21 qazandaǵy synaq kezіnde zymyran 15 saǵat boıy áýede bolyp, shamamen 14 myń shaqyrym qashyqtyqty eńsergen.
Al Reseı prezıdentіnіń arnaıy ókіlі Kırıll Dmıtrıev keıіnіrek bul aqparattyń AQSh ákіmshіlіgіne tіkeleı jetkіzіlgenіn aıtqan.
Material avtory
