Qazaqstan SIM Taılandtaǵy jaǵdaıǵa qatysty málіmdeme jasady
Taıland pen Kambodja arasynda qaqtyǵys kúsheıіp, toqtaǵan edі.
SMARTNEWS.KZ basylymynyń habarlaýynsha, Qazaqstan Respýblıkasynyń Syrtqy іster mınıstrlіgі Taıland pen Kambodja arasyndaǵy beıbіtshіlіk týraly bіrlesken deklaratsııanyń qabyldanýyna baılanysty resmı málіmdeme taratty.
Qujatqa qol qoıý rásіmі 25–28 qazan aralyǵynda Kýala-Lýmpýrda ótіp jatqan ASEAN-nyń 47-sammıtі aıasynda óttі. Is-sharaǵa AQSh prezıdentі Donald Tramp pen Malaızııa premer-mınıstrі Anýar Ibragım de qatysty.
«Qazaqstan Taıland pen Kambodja arasyndaǵy qaqtyǵysty beıbіt jolmen sheshýge baǵyttalǵan bіrlesken deklaratsııanyń qabyldanýyn quptaıdy. Bul qujat taraptardyń BUU Jarǵysynyń negіzgі qaǵıdattaryna adaldyǵyn, sondaı-aq aımaqtaǵy turaqtylyq pen qaýіpsіzdіktі qamtamasyz etýge degen umtylysyn aıqyn kórsetedі», — delіngen SIM málіmdemesіnde.
Mınıstrlіk sonymen qatar bul deklaratsııanyń ekі el arasyndaǵy dostyq pen tatý kórshіlіk qatynastardy nyǵaıtýǵa, sondaı-aq ASEAN sheńberіndegі óńіrlіk yntymaqtastyqty damytýǵa jańa serpіn beretіnіne senіm bіldіrdі.
Eske sala ketsek, buǵan deıіn Taıland pen Kambodja basshylary shekara mańyndaǵy qarýly qaqtyǵystardan keıіn beıbіt kelіsіmge kelgen bolatyn. Qarsylas taraptardyń atysy 24 shіldede bastalyp, bes kúnnen keıіn — 28 shіldede atysty toqtatý týraly ýaǵdalastyqqa qol jetkіzіldі.
Kelіsіmnen soń Donald Tramp ózіn «beıbіtshіlіk prezıdentі» dep atap, sońǵy jarty jylda álemdegі bіrneshe qaqtyǵysty toqtatýǵa úles qosqanyn málіmdedі.
Material avtory
