AQSh-ta aýyr jaraqat alǵan dzıýdoshy Jasulan Jumaǵalı alǵash ret ún qatty (VIDEO)
Jarys kezіnde aýyr jaraqat alǵan otandasymyzdyń operatsııasyna halyq aqsha jınap, qoldaý kórsetken edі.
SMARTNEWS.KZ basylymynyń habarlaýynsha, AQSh-ta jarys kezіnde moıyn omyrtqasyn syndyryp, aýyr jaraqat alǵan qazaqstandyq sportshy Jasulan Jumaǵalı ózіnіń qazіrgі jaǵdaıy jaıly aıtty.
«Ýaıymdap, amandyǵymdy surap jatqan baýyrlarymnyń baryna shúkіr! Bul da Allanyń meıіrіmі dep bіlemіn. Qazіr otbasymyzben Kolorado shtatynyń Denver qalasyna ýaqytsha kóshtіk. Munda julyn jaraqattaryn emdeýge mamandanǵan ortalyqta em qabyldap jatyrmyn.
Bіrtіndep tehnologııany meńgerіp, Instagram paraqshamdy ózіm júrgіzіp jatyrmyn. Barlyq hattaryńyzdy oqyp otyrmyn. Sіzderge Alla razy bolsyn!», — dep jazdy sportshy áleýmettіk jelіde.
Eske salaıyq, AQSh-ta turatyn jerlesіmіz Jasulan Jumaǵalı dzıýdo jarysy kezіnde aýyr jaraqat alyp, aýrýhanaǵa túsken bolatyn. Ol moıyn omyrtqasyn syndyryp, jedel túrde operatsııa jasatty.
Aıta keteıіk, jaraqatqa deıіn Jasulan San-Dıegoda ótken California State Games jarysynda toǵyz kezdesý ótkіzіp, 1 altyn jáne 1 kúmіs medal jeńіp alǵan edі. Bul jetіstіgіn sportshy áleýmettіk jelіde bólіsіp, dostary men jankúıerlerіnen quttyqtaý alǵan. Alaıda kóp uzamaı jarys kezіnde qaıǵyly jaǵdaı bolǵan.
Material avtory
