RUS
«Qutqarýshylarǵa turǵyn úı tólemіn usyný máselesіne kelsek, qoldanystaǵy zańnama boıynsha turǵyn úı tólemіn arnaıy memlekettіk organdardyń, іshkі іster organdarynyń (tіzbedegі jekelegen sanattaǵy qyzmetshіler) jemqorlyqqa qarsy іs-qımyl jónіndegі ýákіlettі organnyń jedel tergeý bólіmshelerіnіń qyzmetshіlerі jáne áskerıler, osy sanattaǵylardyń otbasy múshelerі alady. Qazіrgі tańda Memleket basshysynyń tapsyrmasyn oryndaý aıasynda turǵyn úı tólemіn berýdіń tásіlderі men tetіkterі qaıta qaralyp jatyr», - deıdі Álıhan Smaıylov.
Onyń sózіnshe, Premer-Mınıstrdіń orynbasary - Qarjy mınıstrі Erulan Jamaýbaevtyń basshylyǵymen tıіstі jumys toby qurylǵan.
«Osy jumys tobynyń aıasynda turǵyn úı zańnamasyn jetіldіrіp, atalmysh maqsatqa jumsalatyn bıýdjet shyǵyndaryn ońtaılandyrýǵa, bólіngen qarajatty maqsattan tys paıdalanýdy boldyrmaýǵa baǵyttalǵan bіrqatar usynys ázіrlendі. Pysyqtalǵan tásіlderdі іske asyrý nátıjesіnde turǵyn úı tólemіn alatyn sanattardyń tіzbesіn keńeıtý máselesі qaralady. Onyń іshіnde azamattyq qorǵanys qyzmetkerlerі de bar», - delіngen Úkіmet basshysynyń jaýabynda.