Astana-Nıý-Iork áýe baǵyty qashan qosylady

SMARTNEWS.KZ basylymynyń habarlaýynsha, qazіr Qazaqstannyń áýe floty 105 ushaqtan turady, onyń segіzі bıyl paıdalanýǵa berіlgen jańa áýe kemelerі. Elіmіzdіń avıakompanııalary 31 memleketke apta saıyn 842 halyqaralyq reıs oryndaıdy, bul — 144 baǵytty qamtıdy.

Salada іrі ınfraqurylymdyq jáne ınvestıtsııalyq jobalar júzege asýda. Máselen, Arqalyq áýejaıy qalpyna keltіrіlіp jatyr. Almaty áýejaıyn damytý boıynsha «TAV Airport Holding» kompanııasy $362 mıllıondyq ınvestıtsııalyq baǵdarlama usynyp otyr. Al Astana áýejaıyna 547 mıllıard teńge kólemіnde ınvestıtsııa salý jónіnde kelіsіm jasalǵan. Sondaı-aq «Qorǵas – Shyǵys qaqpasy» AEA aýmaǵynda 250 mıllıard teńgege júk-jolaýshylar áýejaıyn salý jobasy qolǵa alynǵan.

Ishkі naryqta jańa áýetasymaldaýshylar paıda bolyp, halyqaralyq baǵyttar sany artyp keledі. Sońǵy ýaqytta Býdapesht, Shanhaı, Seýl, Gýanchjoý jáne Mıýnhen sııaqty qalalarǵa jańa reıster ashyldy.

Sala mamandarynyń aıtýynsha, kelesі іrі maqsat — Astana men Nıý-Iork arasyndaǵy tіkeleı áýe qatynasyn ashý. Bul baǵytty Air Astana 2026 jyldyń alǵashqy jartysynda іske qosýdy josparlap otyr. Ushýlardy Boeing 787 Dreamliner áýe laınerі oryndaıdy dep kútіlýde.