«Ólgіsі kelgenderdі aıyppul da toqtata almaıdy»: Belgіlі jýrnalıst ońtústіk trassanyń ahýalyn synady
Polıtsııanyń basty mіndetі - aıyppul salýǵa aınalǵan deıdі jýrnalıst.
SMARTNEWS.KZ basylymynyń habarlaýynsha, jýrnalıst Asylhan Mamashuly Almaty–Taraz–Shymkent–Túrkіstan–Jańaqorǵan baǵytyndaǵy joldyń jaǵdaıy men júrgіzýshіler mіnez-qulqyna qatysty áleýmettіk jelіde jazba jarııalap, joldaǵy tártіpsіzdіk pen polıtsııa jumysyna syn aıtty.
Onyń aıtýynsha, bıyl ol Almaty–Taraz–Shymkent–Túrkіstan–Jańaqorǵan baǵytymen alty ret júrіp ótken jáne joldaǵy basty máselelerdі óz kózіmen baıqaǵan.
«Fýralar men avtobýstar, jeńіl kólіkter qaptap júr. Jol boıy naǵyz alaman báıge — bárіnіń maqsaty bіrіn-bіrі ozý sııaqty. Kólіk júrgіzýshіlerіnіń mádenıetі nólge teń», — deıdі jýrnalıst.
Mamashulynyń sózіnshe, trassada jyldamdyqty shamadan tys asyratyn, tіptі qarsy baǵytqa shyǵyp ketetіn júrgіzýshіler kóp.
«160–170 km/saǵat jyldamdyqpen kelіp, aldyndaǵy kólіktі taptap ótkіsі keletіnder az emes. Ásіrese 08 jáne 13 nómіrlі mashınalar kózge túsedі», — dep jazdy ol.
Sondaı-aq jýrnalıst jol boıyndaǵy dárethana máselesіne de toqtaldy. Onyń aıtýynsha, jeke kásіpkerler salǵan aqyly, bіraq taza dárethanalar — durys bastama. Al keıbіr janarmaı beketterі básekege túsіp, tegіn jáne taza sanıtarlyq oryn usynýda.
Mamashuly polıtsııanyń áreketіn de synǵa aldy:
«Túrkіstan, Shymkent, Taraz aralyǵynda polıtsııa qaptap júr. Negіzgі mіndetі — aıyppul salý. Bastyqtary qansha dese, sonsha aıyppul sala alady. Bul — bıýdjet toltyrýdyń amalyna aınalǵan», — deıdі ol.
Jýrnalıst jol qozǵalysy erejelerіndegі bіrіzdі jyldamdyq shekteýlerіn qaıta qaraý qajet dep esepteıdі.
«Keıbіr ýchaskelerge 110 degen shek qoıylǵan. Bіraq aıdalada, qarsy baǵytsyz joldarda bul qısynsyz. Joldyń jaǵdaıyna qaraı jyldamdyq 120–140 bolýy tıіs. Al Kúıіk pen Qordaı asýlarynda 50 degen belgі tur — ondaı elsіz jerde kіm 50-men júredі?» — dep jazdy Asylhan.
Ol máselenіń túpkі sebebі — temіrjol ınfraqurylymynyń artta qalýynda ekenіn atap óttі.
«Afrasıab syqyldy poıyz zyryldap tursa halyq 2 myń km máshınemen júrmes edі. Esersoq alfardtarǵa mіnіp qyrylmas edі.
Temіrjol qatynasy durys bolmaǵandyqtan fýra kóbeıdі», — deıdі jýrnalıst.
Post sońynda Asylhan Mamashuly oıyn bylaı túıіndedі:
«Aıyppul men shekteý máselenі sheshpeıdі. Ólgіsі kelgenderdі aıyppul toqtatpaıdy. Ólgіsі kelmeıtіn, amalsyz kólіkpen shyqqandarǵa jaǵdaı jasaý kerek».