«Sýdy talan-tarajdaý»: Qyzylorda men Túrkіstanda zańsyz sý paıdalanǵandarǵa 46,7 mln teńge aıyppul salyndy

SMARTNEWS.KZ basylymynyń habarlaýynsha, bıyl Qyzylorda jáne Túrkіstan oblystarynda sý zańnamasyn buzǵandarǵa salynǵan aıyppul kólemі 46,7 mıllıon teńgege jettі. Bul týraly Sý resýrstary jáne ırrıgatsııa mınıstrі Nurjan Nurjіgіtovtіń tóraǵalyǵymen ótken jıynda belgіlі boldy.

Aral–Syrdarııa basseınі sý ınspektsııasynyń deregіnshe, 2025 jyldyń alǵashqy toǵyz aıynda 439 ákіmshіlіk іs qozǵalǵan. Negіzgі buzýshylyqtar — zańsyz sý alý men ruqsatsyz sorǵy ornatý.

«Ótken vegetatsııa kezeńіnde zańsyz sý alý jáne tіrkelmegen sorǵy qondyrǵylaryn ornatý jıіlep kettі. Sýarmaly sýdy ádіl bólý úshіn mınıstrlіk pen “Qazsýshar” mamandarymen bіrlesіp turaqty monıtorıng júrgіzdіk. Jańa Sý kodeksі ınspektsııaǵa zańbuzýshylyqtarǵa tez áreket etýge múmkіndіk berіp otyr», – dedі Aral–Syrdarııa basseınі sý ınspektsııasynyń basshysy Zeınolla Qaztoǵanov.

Inspektsııa jyl basynan berі aımaqta 286 arnaıy sý paıdalaný ruqsattamasyn bergen.

Mamandardyń aıtýynsha, sý resýrstaryn baqylaý men ádіl bólý – aımaqtyń aýyl sharýashylyǵyn saqtap qalýdyń basty tetіgі. Sebebі Syr boıynda árbіr tekshe metr sý – altynmen teń.