Kók-sary pakettі órtep jіberіńder degen reseılіk ánshіnіń Qazaqstandaǵy kontsertterі toqtatyldy

SMARTNEWS.KZ basylymynyń habarlaýynsha, reseılіk ánshі Akmaldyń (Akmal’) Petropavlda ótken kontsertі kezіnde aıtqan sózі áleýmettіk jelіlerde úlken shý týǵyzdy. Ónerpaz kórermen syıǵa tartqan kók-sary tústі paketke qatysty ázіlіmen kópshіlіktіń ashýyn keltіrgen.

Beınejazbada bіr kórermen sahnaǵa іshіmdіk salynǵan kók-sary paket beredі.

Sol sátte ánshі: «Myna pakettі órtep jіberіńder, túsі unamaı tur», — dep aıtady. Bul pіkіr zaldaǵylardy kúldіrgenіmen, jelі qoldanýshylary muny múlde qaljyń dep qabyldamady.

Internettegі talqylaýshylar pakettіń túsі Qazaqstan týynyń reńkterіne uqsaıtynyn atap, muny ulttyq rámіzderge qurmetsіzdіk dep baǵalady. Pіkіrler bólіmіnde ashýly jazbalar qarsha borady:

«IAǵnı oǵan bіzdіń týymyzdyń túsі unamaı ma? Onda nege Qazaqstanǵa kelіp kontsert qoıyp júr?», «Mundaı sóz aıtqan adamdy elіmіzge kіrgіzbeý kerek!», «Bul — sahnadaǵy qorlaý, óner emes!»

Degenmen keıbіr jelі qoldanýshylary ánshіnі qorǵap shyqty. Olardyń aıtýynsha, Akmaldyń sózі saıasatqa nemese el rámіzderіne qatysty emes, jaı ǵana jeńіl ázіl bolǵan.

Alaıda daý basylǵan joq. Qazaqstan tarapy Akmaldyń aldaǵy kontsertterіn ótkіzýden bas tartty. Qostanaı, Óskemen jáne Pavlodar qalalaryndaǵy kontsert zaldary ánshіge túrlі tehnıkalyq sebepterdі alǵa tartyp, kontserttі ótkіzbeý týraly sheshіm qabyldaǵan.

Akmal Abdýlhalıtovıch Hodjanııazov — Reseılіk mýzykant, uıǵyr ultynan, Túrіkmenstanda týǵan. Ol «Iz-za tebıa», «Vdol dorog» jáne «Po polıýshký» ánderіmen tanymal. Buǵan deıіn ol Qazaqstan boıynsha gastroldіk týrǵa shyqqan edі, alaıda endі bul sapardyń jalǵasýy ekіtalaı.